Mark
God remadyigbung Jesus
16
2 Jidibirran wardak Sunday gudburruburr, maniyij abalbungung yurrungud, warragamumu ijbarran wuka aldarr wuka Jesus gigalk adjung. Ba warragamumu Mary Magdalene, Salomi, la Mary ba gawulung James.
3-4 Angumarrajbung aminy wamung lawamin “Marrungunaj banimarripi ba rawarrgama wadiyad ba adbanulan wuka aldarr? Baraga ijalkud rawarragama ngarrung”. Wanad ldbarran ba warragamumu ijdbuguny yurrngud bayung marrungunaj inmalda rimarijbung ba rawarragama wadiyad.
5 Ijbulang arj wuka aldarr, bayung warrgbi baning wuka nulinuli jinying bidbarrandung ba buldirrgi. Wanad awurdbalangan.
6 Janad abin, “Inang gudburdbin. Nuwurri gurrujalmang Jesus jumung gigalk, warrgbi budan Nazareth ba buwung budban wuka aldirr. God remadyigbung. Janad galu bani gani. Gudnuga. Gani budban ba janad gigalk, gayirrk galu bani gani”.