4
Kan rìh maneo
1 Qmang aih, tìah ka chac hamac da Christ khoe chìuq xa chìuq jìq, oh daq hadai padon dèh manoh qmang aih diq, majah qmang aih mangai leq chìuq jìq chìuq xalep ta chac hamac aih khoe jah claih ka yiniq lui,
2 waq toq oe rìh ta chac kô pang leq, aih pi dùh tiaq cadèh hòm trong kon mangai ta crŏng taneh kô ma ònh, mahaq ep tiaq manoh Boc Plình enh.
3 Nèh haq oh daq khoe rìh tiaq kan qmèq da wì enh gùng: tuàng buàng, enh toq trong mèq, bù bia, acaq ôq pi palap, pagôq racaih, kùh waiq kiac qmù.
4 Wì hnoq oh daq ùh broq tiaq wì haq trong tango anang, aih wì loh ka hamàih rai jù lê oh daq.
5 Mahaq wì haq ep taqmon hlài ka Mangai ma padon hadrah mangai rìh xam mangai cachìt.
6 Taiq aih raq, Bàu Lem majah khoe ep anoe ka mangai cachìt, đòeq atìq ka jò wì haq khoe ep pòq kan hadrah tiaq chac da kon mangai, mahua yiang wì haq jah rìh ti Boc Plình.
7 Kan atìq lùch da rìm yiniq khoe haqnap, ep rabiaq rai loq hamang đòeq waiq khàn.
8 Adroe aih, rìm ngai ep i manoh nhet ka loq waq ka dabau joq qnàng, majah qmang aih kan loq waq jah gahnàp bàc yiniq lui.
9 Mangai kô xam mangai tau ep đìh dabau ma laq alàng apaq mamùc.
10 Rìm ngai ep yŏc dèh kan tabàih đeh ma khoe jah đòeq wiang hanò ka dabau, tìah ka mangai wèq kùng hang ma ùh tablòq manoh, wèq ƀài kan tabàih dech crài ka dabau da Boc Plình.
11 Tàng loq i cabô broq mangai hnài, aih ep capoch wop qmang ka bàu ma loh enh Boc Plình; tàng loq i cabô patìh trong leq, haq ep patìh xi padren Boc Plình tah am, đòeq yiniq Boc Plình jah qngah rìm trong ajang Chuaq Jesus Christ; aih Mangai jah kan ranhòm, cwìang itai mòeq đòe ùh lùch. Amen.
Bàu pariaq ƀòe mangai xalep ka Chuaq
12 Oh daq da au, jò pì oe ta tanùh ùnh kan qnhro, apaq hamàih tìah taiq ka rađeh glàm ƀài kan lah halac.
13 Mahaq oh daq wiang jah nanxa ti Christ pang leq, aih drah lem bùi pang aih, đòeq hì ranhòm da Christ trùh, oh daq hadai wiang jah kan lem bùi dìq jaq.
14 Tàng joq taiq yiniq Chuaq Jesus Christ wì jù lê capoch qmèq đac ka oh daq, aih pì jah xôq, majah qmang aih kan ranhòm xam Yiang Hadròeh da Boc Plình jràp enh qnhèq ka pì.
15 Taqne oh daq apaq i cabô chìuq xa tìah ka mangai jêh đac mangai, tìah ka mangai atùng, tìah ka mangai ratauq, tìah ka mangai ti chaq baxrùq yiniq mangai qnoeq.
16 Mahaq cabô chìuq xa taiq đeh tiaq Chuaq, aih apaq camaih, mahaq drah manè apôi Boc Plình taiq rađeh khoe jah pòq wê yiniq haq aih.
17 Majah qmang aih khoe trùh jò, aih jò kan hadrah jah baxèm qmòe enh hnim Boc Plình, tàng baxèm enh bèn, kan pulùch da ƀài mangai ma ùh iu tiaq Bàu Lem da Boc Plình aih èh qmang leq cadèh?
18 Tàng joq mangai taq atoq ùh i hlàu cleq ka jah dèch, aih èh ƀài mangai ùh i ka Boc Plình, ƀài mangai i yiniq lui qmang leq cadèh?
19 Qmang aih ƀài mangai chìuq xalep tiaq manoh Boc Plình enh, apaq tagah ka broq trong lem đòeq phùq dèh mahua yiang ka Mangai broq plình crŏng taneh ma ùh jò leq tablòq manoh.