8
Pathen kah Thangpomnah neh Hlang kah Muelhtuetnah
Gittith rhotoeng dongah aka mawt ham David kah tingtoenglung
1 Kaimih kah boeipa Yahweh tah, diklai pum ah na ming metlam a khuet tih, na mueithennah te vaan dongla na khueh mai.
2 Nang aka daengdaeh kongah, thunkha neh phuloh te kangkuen sak ham camoe neh cahni ka lamkah sarhi na cuen sak.
3 Vaan kah na kutngo hla neh aisi boeih na khueh te ka hmuh vaengah,
4 Balae tih hlanghing te na ngaidam tih, hlang capa te na hip?
5 Tedae anih te Pathen lakah vel na toem sak phoeiah ni, anih te thangpomnah neh, rhuepomnah na khuem sak.
6 Na kutngo te anih na taemrhai sak tih, a kho hmuiah,
7 tu neh saelhung boeih khaw, kohong kah rhamsa khaw,
8 vaan kah vaa neh tuitunli kongtlang kah aka kat tuitunli nga khaw boeih a khueh pah.
9 Aw BOEIPA, kaimih kah boeipa tah na ming khaw diklai pum ah khuet tangkik.