ⅬⅩⅩⅫ
Nyasae nere omogambi omonene
(Ogoteera gw’Asafu)
Ⅰ Nyasae nigo agotenena ase omosangererekano oye omochenu,
ase egati ye chinyasae nigo akonacha ekiina.
Ⅱ “Inee! Ngoika ririri moragenderere konacha ebiina bitari noboronge?
Ngoika ririri moragenderere gwanchereria abanto ababe?
Ⅲ Kae abataka ne chintakana oboronge bwabo;
boigo nabwo bagokorerwa bobe, na abaremeire.
Ⅳ Tooria abatari na nguru, na abatabwati kende,
basibore korwa ase amaboko ’abakori amabe.”
Ⅴ Abanto abwo tibamanyeti gento, tibari nobong’aini,
nigo bagotaara bakona‐kouna‐una ime ase omosunte;
amaroso ’ense anyegerigwe.
Ⅵ Natebiire ng’a: “Inwe nechinyasae;
inwe mwensi nabana b’Omonene Ore Igoro Mono.
Ⅶ Korende nigo morakwe buna Mwanyabaanto bande,
na obogima bwaino boere buna obw’abanene b’ense.”
Ⅷ Aye Nyasae, imoka, ogambie ense ekiina,
ekiagera abanto b’ebisaku bionsi nabao.