ⅬⅩⅩⅤ
Nyasae nere omonachi ebiina
(Ogoteera gw’Asafu)
Ⅰ Aye Nyasae, nigo togokoiraneria ng’a mbuya mono, naende mbuya mono,
ekiagera erieta riao nigo rire ang’e,
nigo tokoraareria emeremo yao y’ogokumia.
Ⅱ “Ekero engaki nachigete eraike,
inche Nyasae ninache ekiina kia boronge.
Ⅲ Ekero ense egotengechigwa amo na bonsi abamenyeteo,
ninche omonyene nigo nkobwata chisiiro chiaye bokong’u.
Ⅳ Nigo ngokania abanto bagwetogia: Timobaisa gwetogia,
naende nintebie abakori amabe: Timobaisa komera ching’unchara chi’obomwenu.
Ⅴ Ee, timobaisa gochiimokereria igoro ase ogwekaga,
gose gokwana amabe, inwe abamore abanyabigoti bikong’u.”
Ⅵ Obonene tibori korwa moocha, gose korwa bosongo,
gose tibori korwa ase ebitunwa bi’erooro.
Ⅶ Korende Nyasae nere okonacha ekiina,
okeyia oyomo, na oimokereria oyonde igoro.
Ⅷ Omonene nabwate egekombe ase okoboko kwaye,
geichire nedivai entindi yochoganirie,
nayeumorere abakori amabe bonsi b’ense na kobabetereria bayenywe,
bayekoore amo neturubo yaye.
Ⅸ Korende inche nimbe nkona‐koraria kobeeka kogenderera botambe;
nimbe nkona‐goteera ogoteera gw’okomotogia Nyasae o Yakobo.
Ⅹ Omonene nabune kegima ching’unchara chi’abakori amabe,
korende echi’abanyaboronge nachiimokererie igoro.