ⅬⅣ
Ogosaba gw’okonyora okorendwa korwa ase ababisa
(1 Sam 23:19; 26:1)
(Ogoteera gwa Daudi ekero omonto oyomo korwa Sifu achierete Saulo komotebia ng’a Daudi nsobo ebisete)
Ⅰ Aye Nyasae, ntoorie ase engencho y’erieta riao,
ong’e oboronge bwane goetera ase okobua kwao.
Ⅱ Nyasae, igwa ogosaba kwane;
tegerera oigwe amang’ana aane ngokwana.
Ⅲ Abanto abamwenu bang’umokeire kong’ita,
na abanto abatindi nigo baganetie obogima bwane;
abwo tibakoirogeti aye Nyasae.
Ⅳ Nimanyete ng’a Nyasae nere omokonyi one,
Omonene nere orendete obogima bwane.
Ⅴ Nairanerie ababisa baane obobe bwabo.
Aye Omonene, obasirie, ekiagera igo ore omwegenwa.
Ⅵ Omonene, ninkoruere ekeng’wanso inde nenkoro y’ogwancha,
nimbe nkoiraneria ng’a mbuya mono ase erieta riao, ekiagera nerigiya.
Ⅶ Aye gwantooririe ase emechando yonsi,
na amaiso aane nigo arigereretie ababisa baane inde nomochengo.