ⅩⅩⅩⅥ
Obobe bwa Mwanyabaanto
(Ogoteera gwa Daudi, omosomba Omonene)
Ⅰ Ebibe nigo bigokwana nomonto omokori amabe
ase enkoro yaye ime;
okomoiroka Nyasae tikori ase obosio bwaye.
Ⅱ Omonto oyo nigo akweremia omonyene ase okweng’aina,
ng’a ebibe biaye tibikomanyekana bigechwe.
Ⅲ Amang’ana omonto oyio agokwana
nigo are ay’ogosaria na obong’ainereria;
ere otigire gokora amang’ana ’obong’aini na ayare amaya.
Ⅳ Ekero araire borere bwaye nigo agokora emeroberio y’amabe,
na kobwatia chinchera chitari chingiya,
tari kwanga obobe bonde bwonsi.
Obuya bwa Nyasae
Ⅴ Aye Omonene, obwanchani bwao botari koera nigo bogoika aaria igoro,
na obwegenwa bwao nigo boigete ase amare igoro.
Ⅵ Aye Nyasae, oboronge bwao nigo boteneine bokong’u buna ebitunwa biao.
Okogamba kwao nigo kore buna chindiba chintambe,
aye nigo orendete Mwanyabaanto ne ching’iti boigo.
Ⅶ Nyasae, naki obwanchani bwao bwa botambe bore obonene!
Mwanyabaanto nigo bagotamera ekiriri gie chimbaaba chiao.
Ⅷ Nigo bagoisanekigwa nobonoru bokorwa ase enyomba yao,
aye nobae banywe korwa ase orooche rwao rw’okogokia.
Ⅸ Naye ore ensoko y’obogima,
na ase omobaso oo nigo tokorora omobaso.
Ⅹ Genderera koorokia obwanchani bwao obonene ase abwo bakomanyete,
na oboronge bwao ase abwo bare ne chinkoro chindonge.
Ⅺ Totiga amagoro ya abaenenu ang’ike ang’e kondwania,
gose amaboko ya abakori amabe anserie.
Ⅻ Rora aase abakori amabe bagure inse,
baiyerigwe tibakonyara koboka naende.