Ⅲ
Ogosaba kwa mambia ase okonyora ogokonywa
(Ogoteera gwa Daudi ekero arenge gotama Abisalomu, omwana oye)
Ⅰ Aye Omonene, ababisa baane mbarenga bare!
Abange banyimokeire gonkorera bobe.
Ⅱ Abange nigo bagokwana igoro yane, bateeba:
Nyasae tancheti komotooria.
Ⅲ Korende aye Omonene, aye naye enguba yane,
na naye obonene bwane,
nigo okong’iraneria oboremu bw’obobui bwane.
Ⅳ Nigo nkorera na gokuura ase Omonene ng’a ankonye,
nere nigo akong’iraneria korwa ase egetunwa kiaye egechenu.
Ⅴ Nigo ngwetoora na korara chitoro,
erio naboka naende, ekiagera Omonene nigo agendererete kondenda.
Ⅵ Tindi koiroka ababisa chilifu chinyinge,
abwo mamincha yane, bakondia korwa chinsemo chiane chionsi.
Ⅶ Aye Omonene imoka, gaki, inchwo!
Aye Nyasae one, ntoorie!
Aye gwaakire ababisa baane bonsi oroe ase chinsea chiabo,
kwabunire amaino ’abakori amabe kwabakorire bosa.
Ⅷ Ogotooreka nigo gokorwa asore aye bweka Omonene;
ase ayio, sesenia abanto bao.