ⅭⅩⅩ
Ogosaba Ng’a ’nkonywe Korwa Ase Ababisa
Ⅰ Ekero ’nde n’emechando nigo ’nkorera ase Omonene,
ere nigo akonyigwa.
Ⅱ Aye Omonene, ’ntoorie korwa ase abanto abanyaborimo,
bare ne chimeme chi’obong’ainereria.
Ⅲ Inwe abamore ne chimeme chi’obong’ainereria, ngento ki moraegwe,
na mang’ana ki naende morakorerwe?
Ⅳ Mobetwe chinsara chinyoge chi’omorwani etuoni,
na mosambwe n’omorero bw’amakara ’omote okorokwa omoretemu.
Ⅴ Obobe nobwane, ekiagera ’nde omomenyi agwo Meseki,
nigo imenyete ase egati y’Abakedari.
Ⅵ Nabeire imenyete ase engaki entambe
ase egati y’ abanto bageechete omorembe.
Ⅶ Inche nigo ’ngokora omorembe,
korende ekero ’ngokwana, barabwo nigo baganetie esegi.