120
Nina Nonginongi Kesa Rongona God Ke Sangâ
1 Kalina au totu i laona na rota loki,
minau au ngangaidato vania na Taovia,
maia e rongomiau.
2 Au nonginongi vaga iani: “Ko maurisiau Taovia,
tanigira igira na vangapero ma na vanga bulesi tinoni.”
3 ?Igamu na vangapero laka nagua sauba God ke nauvanigamu?
?Me sauba ke kedegamu koegua?
4 !Kolugira nogo nina pipili vavanga kesa na malagai,
me kolugotoa na madaova romaroma!
5 Na totu i laomui igamu e seko sosongo atsa vaga moa ti na totu i Mesek,
se i laoqira na tinoni ni Kedar.
6 !Au totu oka sosongo nogo
i laoqira na tinoni ara reisavia na mauri tobarago!
7 Mi kalina inau au gini goko tana rongona na rago,
migira ara ngaoa moa na vailabu.