☰ ΑΠΟΚΑΛΥΨΙΣ ΙΩΑΝΝΟΥ 22
22
The River of Life and the Tree of Life
1 Καὶ ἔδειξέ μοι *ποταμὸν καθαρὸν ὕδατος ζωῆς, λαμπρὸν ὡς †κρύσταλλον, ἐκπορευόμενον ἐκ τοῦ θρόνου τοῦ Θεοῦ καὶ τοῦ ἀρνίου. 2 Ἐν μέσῳ τῆς πλατείας αὐτῆς, καὶ τοῦ ποταμοῦ ἐντεῦθεν καὶ ‡ἐκεῖθεν, ξύλον ζωῆς, ποιοῦν καρποὺς δώδεκα, κατὰ μῆνα §ἕκαστον ἀποδιδοὺς τὸν καρπὸν αὐτοῦ· καὶ τὰ φύλλα τοῦ ξύλου εἰς θεραπείαν τῶν ἐθνῶν. 3 Καὶ πᾶν *κατάθεμα οὐκ ἔσται †ἔτι· καὶ ὁ θρόνος τοῦ Θεοῦ καὶ τοῦ ἀρνίου ἐν αὐτῇ ἔσται· καὶ οἱ δοῦλοι αὐτοῦ ‡λατρεύσουσιν αὐτῷ, 4 καὶ ὄψονται τὸ πρόσωπον αὐτοῦ· καὶ τὸ ὄνομα αὐτοῦ ἐπὶ τῶν μετώπων αὐτῶν. 5 Καὶ νὺξ οὐκ ἔσται §ἐκεῖ, *καὶ χρείαν οὐκ ἔχουσι †λύχνου καὶ φωτὸς ἡλίου, ὅτι Κύριος ὁ Θεὸς ‡φωτιεῖ §αὐτούς· καὶ βασιλεύσουσιν εἰς τοὺς αἰῶνας τῶν αἰώνων.
I Am Coming Quickly
6 Καὶ *λέγει μοι, Οὗτοι οἱ λόγοι πιστοὶ καὶ ἀληθινοί· καὶ †Κύριος ὁ Θεὸς τῶν ‡πνευμάτων τῶν προφητῶν ἀπέστειλε τὸν ἄγγελον αὐτοῦ δεῖξαι τοῖς δούλοις αὐτοῦ ἃ δεῖ γενέσθαι ἐν τάχει.
7 §Καὶ ἰδού, ἔρχομαι ταχύ. Μακάριος ὁ τηρῶν τοὺς λόγους τῆς προφητείας τοῦ βιβλίου τούτου.
8 *Κἀγὼ Ἰωάννης ὁ †ἀκούων καὶ βλέπων ταῦτα. Καὶ ὅτε ἤκουσα καὶ ‡ἔβλεψα, §ἔπεσον προσκυνῆσαι ἔμπροσθεν τῶν ποδῶν τοῦ ἀγγέλου τοῦ *δεικνύοντός μοι ταῦτα. 9 Καὶ λέγει μοι, Ὅρα μή· σύνδουλός †σού εἰμι, καὶ τῶν ἀδελφῶν σου τῶν προφητῶν, ‡καὶ τῶν τηρούντων τοὺς λόγους τοῦ βιβλίου τούτου· τῷ Θεῷ προσκύνησον.
10 Καὶ λέγει μοι, Μὴ σφραγίσῃς τοὺς λόγους τῆς προφητείας τοῦ βιβλίου τούτου· §ὁ καιρὸς γὰρ ἐγγύς ἐστιν. 11 Ὁ ἀδικῶν ἀδικησάτω ἔτι· καὶ ὁ *ῥυπαρὸς ῥυπαρευθήτω ἔτι· καὶ ὁ δίκαιος †δικαιοσύνην ποιησάτω ἔτι· καὶ ὁ ἅγιος ἁγιασθήτω ἔτι.
12 ‡Ἰδού, ἔρχομαι ταχύ, καὶ ὁ μισθός μου μετ᾽ ἐμοῦ, ἀποδοῦναι ἑκάστῳ ὡς τὸ ἔργον §ἔσται αὐτοῦ. 13 *Ἐγὼ τὸ †Ἄλφα καὶ τὸ Ὦ, ‡ὁ πρῶτος καὶ ὁ ἔσχατος, ἡ ἀρχὴ καὶ τὸ τέλος.
14 Μακάριοι οἱ §ποιοῦντες τὰς ἐντολὰς αὐτοῦ, ἵνα ἔσται ἡ ἐξουσία αὐτῶν ἐπὶ τὸ ξύλον τῆς ζωῆς, καὶ τοῖς πυλῶσιν εἰσέλθωσιν εἰς τὴν πόλιν. 15 *Ἔξω οἱ κύνες καὶ οἱ φαρμακοὶ καὶ οἱ πόρνοι καὶ οἱ φονεῖς καὶ οἱ εἰδωλολάτραι, καὶ πᾶς †φιλῶν καὶ ποιῶν ψεῦδος.
16 Ἐγὼ Ἰησοῦς ἔπεμψα τὸν ἄγγελόν μου μαρτυρῆσαι ὑμῖν ταῦτα ἐπὶ ταῖς ἐκκλησίαις. Ἐγώ εἰμι ἡ ῥίζα καὶ τὸ γένος ‡Δαυίδ, §ὁ ἀστὴρ ὁ λαμπρὸς *ὁ πρωϊνός.
17 Καὶ τὸ πνεῦμα καὶ ἡ νύμφη λέγουσιν, †Ἔρχου. Καὶ ὁ ἀκούων εἰπάτω, ‡Ἔρχου. Καὶ ὁ διψῶν §ἐρχέσθω· ὁ θέλων *λαβέτω ὕδωρ ζωῆς δωρεάν.
18 †Μαρτυρῶ ἐγὼ παντὶ ‡τῷ ἀκούοντι τοὺς λόγους τῆς προφητείας τοῦ βιβλίου τούτου, ἐάν τις §ἐπιθῇ ἐπ᾽ αὐτά, *ἐπιθήσαι †ὁ Θεὸς ἐπ᾽ αὐτὸν τὰς ‡πληγὰς τὰς γεγραμμένας ἐν §τῷ βιβλίῳ τούτῳ· 19 καὶ ἐάν τις *ἀφέλῃ ἀπὸ τῶν λόγων †τοῦ βιβλίου τῆς προφητείας ταύτης, ‡ἀφέλοι ὁ Θεὸς τὸ μέρος αὐτοῦ ἀπὸ §τοῦ ξύλου τῆς ζωῆς, καὶ ἐκ τῆς πόλεως τῆς ἁγίας, *τῶν γεγραμμένων ἐν †τῷ βιβλίῳ τούτῳ.
20 Λέγει ὁ μαρτυρῶν ταῦτα, Ναί, ἔρχομαι ταχύ. Ἀμήν. ‡Ναί, ἔρχου, Κύριε §Ἰησοῦ.
21 Ἡ χάρις τοῦ Κυρίου *Ἰησοῦ Χριστοῦ μετὰ †πάντων τῶν ἁγίων. ‡Ἀμήν.
* 22:1 ποταμον καθαρον ¦ ποταμον K ANT CT HF ¦ καθαρον ποταμον TR † 22:1 κρυσταλλον ¦ κρυσταλον PCK ‡ 22:2 εκειθεν ¦ εντευθεν Αν PCK TR § 22:2 εκαστον αποδιδους ¦ αποδιδους εκαστον HF ¦ ενα εκαστον αποδιδουν TR ¦ εκαστον αποδιδουν ANT ECM NA SBL WH * 22:3 καταθεμα ¦ καταναθεμα TR † 22:3 ετι ¦ εκει Αν PCK ‡ 22:3 λατρευσουσιν ¦ λατρευουσιν HF § 22:5 εκει ¦ ετι ANT CT ¦ — K HF * 22:5 χρειαν ουκ εχουσι ¦ ου χρεια K ANT HF ¦ ουκ εχουσι χρειαν NA SBL TH WH ¦ ουκ εξουσι χρειαν ECM† † 22:5 λυχνου και φωτος ηλιου ¦ λυχνου και φωτος K HF ¦ φωτος λυχνου και φωτος ηλιου ECM† NA TH ¦ φωτος λυχνου και φως ηλιου SBL WH ¦ λυχνου και φως ηλιου ECM† ‡ 22:5 φωτιει ¦ φωτιζει TR ¦ φωτισει NA SBL TH WH § 22:5 αυτους ¦ επ αυτους NA SBL TH WH * 22:6 λεγει ¦ ειπε Αν CT TR † 22:6 κυριος ¦ ο κυριος ECM† NA SBL TH WH ‡ 22:6 πνευματων των ¦ αγιων Αν TR § 22:7 και ¦ — PCK TR * 22:8 καγω ¦ και εγω Αν TR † 22:8 ακουων και βλεπων ταυτα ¦ βλεπων και ακουων ταυτα Αν ¦ βλεπων ταυτα και ακουων TR ‡ 22:8 εβλεψα ¦ ειδον ¦ οτε ειδον HF § 22:8 επεσον ¦ επεσα ANT NA SBL TH TR WH * 22:8 δεικνυοντος ¦ δεικνυντος Αν HF PCK † 22:9 σου ¦ σου γαρ TR ‡ 22:9 και ¦ — PCK § 22:10 ο καιρος γαρ ¦ οτι ο καιρος PCK TR * 22:11 ρυπαρος ρυπαρευθητω ¦ ρυπων ρυπωσατω TR ¦ ρυπαρος ρυπανθητω NA TH WH † 22:11 δικαιοσυνην ποιησατω ¦ δικαιωθητω TR ‡ 22:12 ιδου ¦ και ιδου TR § 22:12 εσται αυτου ¦ αυτου εσται TR ¦ εστιν αυτου NA SBL TH WH * 22:13 εγω ¦ εγω ειμι TR † 22:13 αλφα ¦ Α Αν ANT TR ‡ 22:13 ο πρωτος και ο εσχατος η αρχη και το τελος ¦ αρχη και τελος ο πρωτος και ο εσχατος PCK TR ¦ ο πρωτος και ο εσχατος αρχη και τελος ANT § 22:14 ποιουντες τας εντολας αυτου ¦ πλυνοντες τας στολας αυτων CT * 22:15 εξω ¦ εξω δε TR † 22:15 φιλων ¦ ο φιλων Αν ANT HF TR ‡ 22:16 δαυιδ ¦ ΔΑΔ Αν K ¦ δαβιδ HF ¦ του δαβιδ TR ¦ δαυειδ WH § 22:16 ο ¦ και ο Αν * 22:16 ο πρωινος ¦ και ορθρινος TR † 22:17 ερχου ¦ ελθε TR ‡ 22:17 ερχου ¦ ελθε TR § 22:17 ερχεσθω ¦ ελθετω και TR ¦ ερχεσθω και ANT * 22:17 λαβετω ¦ λαμβανετω το TR † 22:18 μαρτυρω εγω ¦ συμμαρτυρουμαι γαρ TR ‡ 22:18 τω ¦ — PCK TR § 22:18 επιθη επ αυτα ¦ επιτιθη προς ταυτα TR ¦ επιθη επι ταυτα ANT * 22:18 επιθησαι ¦ επιθησει ANT CT TR † 22:18 ο θεος επ αυτον ¦ επ αυτον ο θεος PCK TH ‡ 22:18 πληγας ¦ επτα πληγας PCK § 22:18 τω ¦ — TR * 22:19 αφελη ¦ αφαιρη TR † 22:19 του βιβλιου ¦ βιβλου TR ‡ 22:19 αφελοι ¦ αφελει Αν ANT CT ¦ αφαιρησει TR § 22:19 του ξυλου ¦ βιβλου TR * 22:19 των ¦ και των TR † 22:19 τω ¦ — TR ‡ 22:20 ναι ¦ — CT § 22:20 ιησου ¦ ιησου χριστε Αν * 22:21 ιησου χριστου ¦ ημων ιησου χριστου TR ¦ ιησου ECM† NA SBL TH † 22:21 παντων των αγιων ¦ παντων υμων TR ¦ παντων NA SBL ¦ των αγιων TH WH ‡ 22:21 αμην ¦ — NA SBL WH
☰