Η Καινή Διαθήκη ΑΠΟΚΑΛΥΨΙΣ ΙΩΑΝΝΟΥ 2

The Letter to the Church in Ephesus

1 Τῷ ἀγγέλῳ *τῆς ἐν Ἐφέσῳ ἐκκλησίας γράψον· Τάδε λέγει ὁ κρατῶν τοὺς ἑπτὰ ἀστέρας ἐν τῇ δεξιᾷ αὐτοῦ, ὁ περιπατῶν ἐν μέσῳ τῶν ἑπτὰ λυχνιῶν τῶν †χρυσῶν· 2 Οἶδα τὰ ἔργα σου καὶ τὸν κόπον ‡σου καὶ τὴν ὑπομονήν σου, καὶ ὅτι οὐ δύνῃ βαστάσαι κακούς, καὶ §ἐπείρασας τοὺς *λέγοντας ἑαυτοὺς †ἀποστόλους εἶναι καὶ οὐκ εἰσί, καὶ εὗρες αὐτοὺς ψευδεῖς· 3 καὶ ‡ὑπομονὴν ἔχεις καὶ ἐβάστασας §διὰ τὸ ὄνομά μου, *καὶ οὐκ ἐκοπίασας. 4 †ἀλλὰ ἔχω κατὰ σοῦ ὅτι τὴν ἀγάπην σου τὴν πρώτην ‡ἀφῆκας. 5 μνημόνευε οὖν πόθεν §πέπτωκας καὶ μετανόησον καὶ τὰ πρῶτα ἔργα ποίησον· εἰ δὲ μή, ἔρχομαί σοι *ταχὺ καὶ κινήσω τὴν λυχνίαν σου ἐκ τοῦ τόπου αὐτῆς, ἐὰν μὴ μετανοήσῃς. 6 ἀλλὰ τοῦτο ἔχεις, ὅτι μισεῖς τὰ ἔργα τῶν Νικολαϊτῶν, ἃ κἀγὼ μισῶ. 7 ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις. τῷ νικῶντι δώσω †αὐτῷ φαγεῖν ἐκ τοῦ ξύλου τῆς ζωῆς, ὅ ἐστιν ἐν ‡τῷ παραδείσῳ τοῦ Θεοῦ §μου.

The Letter to the Church in Smyrna

8 Καὶ τῷ ἀγγέλῳ *τῆς ἐν Σμύρνῃ ἐκκλησίας γράψον· Τάδε λέγει ὁ πρῶτος καὶ ὁ ἔσχατος, ὃς ἐγένετο νεκρὸς καὶ ἔζησεν· 9 Οἶδά σου †τὰ ἔργα καὶ τὴν θλῖψιν καὶ τὴν πτωχείαν—‡ἀλλὰ πλούσιος εἶ—καὶ τὴν βλασφημίαν §ἐκ τῶν λεγόντων Ἰουδαίους εἶναι ἑαυτοὺς καὶ οὐκ εἰσίν, ἀλλὰ συναγωγὴ τοῦ Σατανᾶ. 10 *μηδὲν φοβοῦ ἃ μέλλεις †παθεῖν. ἰδοὺ ‡δή, μέλλει §βαλεῖν *ὁ διάβολος ἐξ ὑμῶν εἰς φυλακὴν ἵνα πειρασθῆτε, καὶ †ἕξετε θλῖψιν ‡ἡμέρας δέκα. γίνου πιστὸς ἄχρι θανάτου, καὶ δώσω σοι τὸν στέφανον τῆς ζωῆς. 11 ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις. ὁ νικῶν οὐ μὴ ἀδικηθῇ ἐκ τοῦ θανάτου τοῦ δευτέρου.

The Letter to the Church in Pergamum

12 Καὶ τῷ ἀγγέλῳ τῆς ἐν Περγάμῳ ἐκκλησίας γράψον· Τάδε λέγει ὁ ἔχων τὴν ῥομφαίαν τὴν δίστομον τὴν ὀξεῖαν· 13 Οἶδα §τὰ ἔργα σου καὶ ποῦ κατοικεῖς, ὅπου ὁ θρόνος τοῦ Σατανᾶ, καὶ κρατεῖς τὸ ὄνομά μου καὶ οὐκ ἠρνήσω τὴν πίστιν μου *ἐν ταῖς ἡμέραις †αἷς ‡Ἀντίπας ὁ μάρτυς μου ὁ §πιστός, ὃς ἀπεκτάνθη παρ᾽ ὑμῖν, ὅπου *ὁ Σατανᾶς κατοικεῖ. 14 †ἀλλὰ ἔχω κατὰ σοῦ ὀλίγα, ὅτι ἔχεις ἐκεῖ κρατοῦντας τὴν διδαχὴν Βαλαάμ, ὃς ‡ἐδίδαξε §τὸν Βαλὰκ βαλεῖν σκάνδαλον ἐνώπιον τῶν υἱῶν Ἰσραὴλ *καὶ φαγεῖν εἰδωλόθυτα καὶ πορνεῦσαι. 15 οὕτως ἔχεις καὶ σὺ κρατοῦντας τὴν διδαχὴν †Νικολαϊτῶν ‡ὁμοίως. 16 μετανόησον §οὖν· εἰ δὲ μή, ἔρχομαί σοι ταχὺ καὶ πολεμήσω μετ᾽ αὐτῶν ἐν τῇ ῥομφαίᾳ τοῦ στόματός μου. 17 ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις. τῷ νικῶντι δώσω αὐτῷ *τοῦ μάννα τοῦ κεκρυμμένου, καὶ δώσω αὐτῷ ψῆφον λευκήν, καὶ ἐπὶ τὴν ψῆφον ὄνομα καινὸν γεγραμμένον ὃ οὐδεὶς †οἶδεν εἰ μὴ ὁ λαμβάνων.

The Letter to the Church in Thyatira

18 Καὶ τῷ ἀγγέλῳ ‡τῆς ἐν §Θυατείροις ἐκκλησίας γράψον· Τάδε λέγει ὁ υἱὸς τοῦ Θεοῦ, ὁ ἔχων τοὺς ὀφθαλμοὺς αὐτοῦ ὡς φλόγα πυρός, καὶ οἱ πόδες αὐτοῦ ὅμοιοι χαλκολιβάνῳ· 19 Οἶδά σου τὰ ἔργα καὶ τὴν ἀγάπην καὶ τὴν *πίστιν καὶ τὴν διακονίαν καὶ τὴν ὑπομονήν σου, καὶ τὰ ἔργα σου †τὰ ἔσχατα πλείονα τῶν πρώτων. 20 ‡ἀλλὰ ἔχω κατὰ σοῦ §ὅτι *ἀφεῖς τὴν γυναῖκά †σου ‡Ἰεζάβελ, §ἣ λέγει ἑαυτὴν προφῆτιν *καὶ διδάσκει καὶ πλανᾷ τοὺς ἐμοὺς δούλους πορνεῦσαι καὶ †φαγεῖν εἰδωλόθυτα. 21 καὶ ἔδωκα αὐτῇ χρόνον ἵνα μετανοήσῃ, ‡καὶ οὐ θέλει μετανοῆσαι ἐκ τῆς πορνείας αὐτῆς. 22 ἰδού, §βάλλω αὐτὴν εἰς κλίνην καὶ τοὺς μοιχεύοντας μετ᾽ αὐτῆς εἰς θλῖψιν μεγάλην, ἐὰν μὴ *μετανοήσωσιν ἐκ τῶν ἔργων †αὐτῆς· 23 καὶ τὰ τέκνα αὐτῆς ἀποκτενῶ ἐν θανάτῳ. καὶ γνώσονται πᾶσαι αἱ ἐκκλησίαι ὅτι ἐγώ εἰμι ὁ ‡ἐρευνῶν νεφροὺς καὶ καρδίας, καὶ δώσω ὑμῖν ἑκάστῳ κατὰ τὰ ἔργα ὑμῶν. 24 ὑμῖν δὲ λέγω §τοῖς λοιποῖς τοῖς ἐν Θυατείροις, ὅσοι οὐκ ἔχουσι τὴν διδαχὴν ταύτην, *οἵτινες οὐκ ἔγνωσαν τὰ †βαθέα τοῦ Σατανᾶ, ὡς λέγουσιν· οὐ ‡βάλλω ἐφ᾽ ὑμᾶς ἄλλο βάρος, 25 πλὴν ὃ ἔχετε κρατήσατε ἄχρις οὗ ἂν ἥξω. 26 καὶ ὁ νικῶν καὶ ὁ τηρῶν ἄχρι τέλους τὰ ἔργα μου, δώσω αὐτῷ ἐξουσίαν ἐπὶ τῶν ἐθνῶν, 27 καὶ ποιμανεῖ αὐτοὺς ἐν ῥάβδῳ σιδηρᾷ· ὡς τὰ σκεύη τὰ κεραμικὰ §συντριβήσεται, ὡς κἀγὼ εἴληφα παρὰ τοῦ πατρός μου. 28 καὶ δώσω αὐτῷ τὸν ἀστέρα τὸν πρωϊνόν. 29 ὁ ἔχων οὖς ἀκουσάτω τί τὸ Πνεῦμα λέγει ταῖς ἐκκλησίαις.

* 2:1 της εν εφεσω 87.3% ¦ της εφεσιων ᴍꜱꜱ 7.3% ¦ της εφεσινης ᴛʀ 1.4% ¦ τω εν εφεσω ᴡʜ 1.4% † 2:1 χρυσων 98.2% ¦ χρυσεων ᴛʜ 0.9% ‡ 2:2 σου 68.5% ¦ — ᴄᴛ ᴘᴄᴋ 30% § 2:2 επειρασας 97.3% ¦ επειρασω ᴛʀ 1.8% * 2:2 λεγοντας εαυτους 95.5% ¦ φασκοντας ᴛʀ 1.4% † 2:2 αποστολους ειναι 84.8% ¦ ειναι αποστολους ᴛʀ 5.8% ¦ αποστολους ᴄᴛ 4.7% ‡ 2:3 υπομονην εχεις και εβαστασας 52.1% ¦ εβαστασας και υπομονην εχεις ᴘᴄᴋ ᴛʀ 31.1% ¦ και εβαστασας με και υπομονην εχεις ᴍꜱꜱ 5.9% ¦ εβαπτισας και υπομονην εχεις ᴍꜱꜱ 5.9% § 2:3 δια 95% ¦ και δια ᴛʀ 2.7% * 2:3 και ουκ εκοπιασας 68.1% ¦ και ου κεκοπιασας ᴍꜱꜱ 10.5% ¦ και κεκοπιακας ᴍꜱꜱ 7.8% ¦ κεκοπιακας και ου κεκμηκας ᴛʀ 3.9% ¦ και ου κεκοπιακες ꜱʙʟ ᴛʜ ᴡʜ 1.2% ¦ και ου κεκοπιακας ᴀɴᴛ 0% † 2:4 αλλα 60.6% ¦ αλλ ɴᴀ ᴛʀ 38.5% ‡ 2:4 αφηκας 96.8% ¦ αφηκες ꜱʙʟ ᴛʜ ᴡʜ 2.7% § 2:5 πεπτωκας 54.8% ¦ εκπεπτωκας ᴘᴄᴋ ᴛʀ 42% ¦ πεπτωκες ᴡʜ 0.5% * 2:5 ταχυ 91.8% ¦ ταχει ꜱᴛ 2.7% ¦ — ᴄᴛ 5.1% † 2:7 αυτω 81.8% ¦ — ᴘᴄᴋ 17.8% ‡ 2:7 τω παραδεισω 52.3% ¦ μεσω του παραδεισου ᴘᴄᴋ ᴛʀ 42.2% ¦ τω παραδισω ɴᴀ 0.9% § 2:7 μου 68.9% ¦ — ᴄᴛ ᴛʀ 29.7% * 2:8 της εν σμυρνη εκκλησιας 87.6% ¦ της σμυρναιων εκκλησιας ᴍꜱꜱ 5% ¦ της εκκλησιας σμυρναιων ᴛʀ 2.8% ¦ τω εν σμυρνη εκκλησιας ᴡʜ 1.4% † 2:9 τα εργα και 94.1% ¦ — ᴄᴛ 4.3% ‡ 2:9 αλλα πλουσιος 97.2% ¦ πλουσιος δε ᴛʀ 1.8% § 2:9 εκ 52.9% ¦ — ᴘᴄᴋ ᴛʀ 42.7% * 2:10 μηδεν 93.1% ¦ μη ᴡʜ 6.9% † 2:10 παθειν 49.5% ¦ πασχειν ᴄᴛ ᴘᴄᴋ ᴛʀ 50% ‡ 2:10 δη 58.1% ¦ — ᴄᴛ ᴛʀ 41.5% § 2:10 βαλειν 58.6% ¦ βαλλειν ᴄᴛ 30.5% * 2:10 ο διαβολος εξ υμων 82% ¦ εξ υμων ο διαβολος ᴛʀ 11.1% † 2:10 εξετε 88.1% ¦ εχετε ᴍꜱꜱ 6.4% ¦ εχητε ᴡʜ 5.5% ‡ 2:10 ημερας 46.1% ¦ ημερων ᴄᴛ ᴘᴄᴋ ʀᴘ ᴛʀ 53.9% § 2:13 τα εργα σου και 87% ¦ σου τα εργα και ᴍꜱꜱ 6.3% ¦ — ᴄᴛ 5.5% * 2:13 εν 91.8% ¦ και εν ᴀɴᴛ ᴄᴛ ᴛʀ 8.2% † 2:13 αις 43.4% ¦ εν αις ᴘᴄᴋ ʀᴘ ᴛʀ 47.3% ¦ — ᴄᴛ 2.7% ‡ 2:13 αντιπας 79.2% ¦ αντειπας 13.6% ¦ αντιεπας ᴍꜱꜱ 6.1% § 2:13 πιστος 85.5% ¦ πιστος οτι πας μαρτυς πιστος ᴍꜱꜱ 9.4% ¦ πιστος μου ꜱʙʟ ᴡʜ 2.7% * 2:13 ο σατανας κατοικει 94.9% ¦ κατοικει ο σατανας ᴛʀ 1.8% † 2:14 αλλα 46.1% ¦ αλλ ɴᴀ ᴘᴄᴋ ʀᴘ ᴛʜ ᴛʀ 52.5% ‡ 2:14 εδιδαξε 69.7% ¦ εδιδασκε(ν) ᴄᴛ ᴛʀ 28% § 2:14 τον βαλακ 60.2% ¦ τω βαλαακ ᴍꜱꜱ 11.1% ¦ εν τω βαλααμ τον βαλακ ᴍꜱꜱ 7.4% ¦ τον βαλαακ ᴍꜱꜱ 5.1% ¦ εν τω βαλαακ ꜱᴛ 4.2% ¦ τω βαλακ ᴄᴛ 1.9% * 2:14 και 49.5% ¦ — ᴄᴛ ᴘᴄᴋ ᴛʀ 45.9% † 2:15 νικολαιτων 39.9% ¦ των νικολαιτων ᴀɴᴛ ɴᴀ ᴘᴄᴋ ʀᴘ ᴛʜ ᴛʀ 60.1% ‡ 2:15 ομοιως 77.5% ¦ ομοιως ο μισω ᴍꜱꜱ 8.7% ¦ ην μισω ᴍꜱꜱ 5% ¦ ο μισω ᴛʀ 4.6% § 2:16 ουν 61% ¦ — ᴘᴄᴋ ᴛʜ ᴛʀ 39% * 2:17 του 40.4% ¦ φαγειν απο του ᴘᴄᴋ ᴛʀ 41.7% † 2:17 οιδεν 92.7% ¦ ειδεν ᴍꜱꜱ 5.5% ¦ εγνω ᴛʀ 1.4% ‡ 2:18 της 99.1% ¦ τω ᴡʜ 0.9% § 2:18 θυατειροις 56.2% ¦ θυατηροις ᴍꜱꜱ 18.9% ¦ θυατειρη 16.6% * 2:19 πιστιν και την διακονιαν 83.5% ¦ διακονιαν και την πιστιν ᴛʀ 5% † 2:19 τα 94.9% ¦ και τα ᴛʀ 4.6% ‡ 2:20 αλλα 42.1% ¦ αλλ ɴᴀ ᴘᴄᴋ ʀᴘ ᴛʜ ᴛʀ 56.9% § 2:20 οτι 75.9% ¦ πολυ οτι ᴍꜱꜱ 8.8% ¦ πολλα οτι 6.5% ¦ ολιγα οτι ᴀɴᴛ ᴛʀ 1.9% ¦ — ᴍꜱꜱ 6.5% * 2:20 αφεις 79.1% ¦ εας ᴛʀ 6% ¦ αφηκας ᴍꜱꜱ 5.6% † 2:20 σου 70% ¦ — ᴄᴛ ᴛʀ 27.2% ‡ 2:20 ιεζαβελ 94.6% ¦ ιεζαβηλ ᴛʀ 4.4% § 2:20 η λεγει 71.3% ¦ την λεγουσαν ᴛʀ 23.1% ¦ η λεγουσα ᴄᴛ 2.4% * 2:20 και διδασκει και πλανα τους 96.8% ¦ διδασκειν και πλανασθαι ᴛʀ 1.4% † 2:20 φαγειν ειδωλοθυτα 93.1% ¦ ειδωλοθυτα φαγειν ᴛʀ 6.9% ‡ 2:21 και ου θελει μετανοησαι εκ της πορνειας αυτης 71.9% ¦ εκ της πορνειας αυτης ᴍꜱꜱ 7.8% ¦ εκ της πορνειας αυτης και ου μετενοησεν ᴛʀ 6.9% ¦ και ου θελη μετανοησαι εκ της πορνειας αυτης ᴍꜱꜱ 6.5% § 2:22 βαλλω 82.9% ¦ βαλω ᴍꜱꜱ 14.7% ¦ εγω βαλλω ᴛʀ 1.4% * 2:22 μετανοησωσιν 97.7% ¦ μετανοησουσιν ᴡʜ 0.9% † 2:22 αυτης 72.5% ¦ αυτων ᴛʀ 27.5% ‡ 2:23 ερευνων 99.1% ¦ εραυνων ꜱʙʟ ᴛʜ ᴡʜ 0.9% § 2:24 τοις 95.4% ¦ και ᴛʀ 1.8% * 2:24 οιτινες 92.2% ¦ οσοι ᴍꜱꜱ 5.9% ¦ και οιτινες ᴛʀ 1.4% † 2:24 βαθεα 74.6% ¦ βαθη ᴛʀ 24.9% ‡ 2:24 βαλλω 68.6% ¦ βαλω ᴘᴄᴋ ᴛʀ 27.9% § 2:27 συντριβησεται 78.6% ¦ συντριβεται ᴄᴛ ᴛʀ 17.1%