Η Καινή Διαθήκη ΚΑΤΑ ΜΑΡΚΟΝ 5

1 Καὶ ἦλθον εἰς τὸ πέραν τῆς θαλάσσης εἰς τὴν χώραν τῶν ⸀Γερασηνῶν* 2 καὶ ⸂ἐξελθόντος αὐτοῦ† ἐκ τοῦ πλοίου ⸂εὐθὺς ὑπήντησεν‡ αὐτῷ ἐκ τῶν μνημείων ἄνθρωπος ἐν πνεύματι ἀκαθάρτῳ, 3 ὃς τὴν κατοίκησιν εἶχεν ἐν τοῖς μνήμασιν, καὶ ⸂οὐδὲ ἁλύσει οὐκέτι§ οὐδεὶς ἐδύνατο αὐτὸν δῆσαι 4 διὰ τὸ αὐτὸν πολλάκις πέδαις καὶ ἁλύσεσι δεδέσθαι καὶ διεσπάσθαι ὑπʼ αὐτοῦ τὰς ἁλύσεις καὶ τὰς πέδας συντετρῖφθαι, καὶ οὐδεὶς ⸂ἴσχυεν αὐτὸν* δαμάσαι· 5 καὶ διὰ παντὸς νυκτὸς καὶ ἡμέρας ἐν τοῖς ⸂μνήμασιν καὶ ἐν τοῖς ὄρεσιν† ἦν κράζων καὶ κατακόπτων ἑαυτὸν λίθοις. 6 ⸂καὶ ἰδὼν‡ τὸν Ἰησοῦν ἀπὸ μακρόθεν ἔδραμεν καὶ προσεκύνησεν ⸀αὐτόν§ 7 καὶ κράξας φωνῇ μεγάλῃ ⸀λέγει* Τί ἐμοὶ καὶ σοί, Ἰησοῦ υἱὲ τοῦ θεοῦ τοῦ ὑψίστου; ὁρκίζω σε τὸν θεόν, μή με βασανίσῃς. 8 ἔλεγεν γὰρ αὐτῷ· Ἔξελθε τὸ πνεῦμα τὸ ἀκάθαρτον ἐκ τοῦ ἀνθρώπου. 9 καὶ ἐπηρώτα αὐτόν· Τί ⸂ὄνομά σοι†; καὶ ⸂λέγει αὐτῷ‡· ⸀Λεγιὼν§ὄνομά μοι, ὅτι πολλοί ἐσμεν· 10 καὶ παρεκάλει αὐτὸν πολλὰ ἵνα μὴ ⸀αὐτὰ*ἀποστείλῃ ἔξω τῆς χώρας. 11 ἦν δὲ ἐκεῖ πρὸς τῷ ὄρει ἀγέλη χοίρων μεγάλη βοσκομένη· 12 καὶ παρεκάλεσαν ⸀αὐτὸν†λέγοντες· Πέμψον ἡμᾶς εἰς τοὺς χοίρους, ἵνα εἰς αὐτοὺς εἰσέλθωμεν. 13 καὶ ἐπέτρεψεν ⸀αὐτοῖς‡ καὶ ἐξελθόντα τὰ πνεύματα τὰ ἀκάθαρτα εἰσῆλθον εἰς τοὺς χοίρους, καὶ ὥρμησεν ἡ ἀγέλη κατὰ τοῦ κρημνοῦ εἰς τὴν θάλασσαν, ⸀ὡς§δισχίλιοι, καὶ ἐπνίγοντο ἐν τῇ θαλάσσῃ. 14 ⸂Καὶ οἱ* βόσκοντες ⸀αὐτοὺς†ἔφυγον καὶ ⸀ἀπήγγειλαν‡εἰς τὴν πόλιν καὶ εἰς τοὺς ἀγρούς· καὶ ⸀ἦλθον§ἰδεῖν τί ἐστιν τὸ γεγονός. 15 καὶ ἔρχονται πρὸς τὸν Ἰησοῦν, καὶ θεωροῦσιν τὸν δαιμονιζόμενον ⸀καθήμενον*ἱματισμένον καὶ σωφρονοῦντα, τὸν ἐσχηκότα τὸν ⸀λεγιῶνα† καὶ ἐφοβήθησαν. 16 ⸂καὶ διηγήσαντο‡ αὐτοῖς οἱ ἰδόντες πῶς ἐγένετο τῷ δαιμονιζομένῳ καὶ περὶ τῶν χοίρων. 17 καὶ ἤρξαντο παρακαλεῖν αὐτὸν ἀπελθεῖν ἀπὸ τῶν ὁρίων αὐτῶν. 18 καὶ ⸀ἐμβαίνοντος§αὐτοῦ εἰς τὸ πλοῖον παρεκάλει αὐτὸν ὁ δαιμονισθεὶς ἵνα ⸂μετʼ αὐτοῦ ᾖ *. 19 ⸀καὶ†οὐκ ἀφῆκεν αὐτόν, ἀλλὰ λέγει αὐτῷ· Ὕπαγε εἰς τὸν οἶκόν σου πρὸς τοὺς σούς, καὶ ⸀ἀπάγγειλον‡αὐτοῖς ὅσα ⸂ὁ κύριός σοι§ πεποίηκεν καὶ ἠλέησέν σε. 20 καὶ ἀπῆλθεν καὶ ἤρξατο κηρύσσειν ἐν τῇ Δεκαπόλει ὅσα ἐποίησεν αὐτῷ ὁ Ἰησοῦς, καὶ πάντες ἐθαύμαζον.

21 Καὶ διαπεράσαντος τοῦ Ἰησοῦ ἐν τῷ πλοίῳ πάλιν εἰς τὸ πέραν συνήχθη ὄχλος πολὺς ἐπʼ αὐτόν, καὶ ἦν παρὰ τὴν θάλασσαν. 22 ⸀καὶ*ἔρχεται εἷς τῶν ἀρχισυναγώγων, ὀνόματι Ἰάϊρος, καὶ ἰδὼν αὐτὸν πίπτει πρὸς τοὺς πόδας αὐτοῦ 23 καὶ ⸀παρακαλεῖ†αὐτὸν πολλὰ λέγων ὅτι Τὸ θυγάτριόν μου ἐσχάτως ἔχει, ἵνα ἐλθὼν ἐπιθῇς ⸂τὰς χεῖρας αὐτῇ‡ ⸀ἵνα§σωθῇ καὶ ⸀ζήσῃ* 24 καὶ ἀπῆλθεν μετʼ αὐτοῦ.

Καὶ ἠκολούθει αὐτῷ ὄχλος πολύς, καὶ συνέθλιβον αὐτόν. 25 καὶ ⸀γυνὴ†οὖσα ἐν ῥύσει αἵματος ⸂δώδεκα ἔτη‡ 26 καὶ πολλὰ παθοῦσα ὑπὸ πολλῶν ἰατρῶν καὶ δαπανήσασα τὰ παρʼ αὐτῆς πάντα καὶ μηδὲν ὠφεληθεῖσα ἀλλὰ μᾶλλον εἰς τὸ χεῖρον ἐλθοῦσα, 27 ⸀ἀκούσασα§περὶ τοῦ Ἰησοῦ, ἐλθοῦσα ἐν τῷ ὄχλῳ ὄπισθεν ἥψατο τοῦ ἱματίου αὐτοῦ· 28 ἔλεγεν γὰρ ὅτι ⸂Ἐὰν ἅψωμαι κἂν τῶν ἱματίων αὐτοῦ* σωθήσομαι. 29 καὶ ⸀εὐθὺς†ἐξηράνθη ἡ πηγὴ τοῦ αἵματος αὐτῆς, καὶ ἔγνω τῷ σώματι ὅτι ἴαται ἀπὸ τῆς μάστιγος. 30 καὶ ⸀εὐθὺς‡ὁ Ἰησοῦς ἐπιγνοὺς ἐν ἑαυτῷ τὴν ἐξ αὐτοῦ δύναμιν ἐξελθοῦσαν ἐπιστραφεὶς ἐν τῷ ὄχλῳ ἔλεγεν· Τίς μου ἥψατο τῶν ἱματίων; 31 καὶ ἔλεγον αὐτῷ οἱ μαθηταὶ αὐτοῦ· Βλέπεις τὸν ὄχλον συνθλίβοντά σε, καὶ λέγεις· Τίς μου ἥψατο; 32 καὶ περιεβλέπετο ἰδεῖν τὴν τοῦτο ποιήσασαν. 33 ἡ δὲ γυνὴ φοβηθεῖσα καὶ τρέμουσα, εἰδυῖα ὃ γέγονεν ⸀αὐτῇ§ ἦλθεν καὶ προσέπεσεν αὐτῷ καὶ εἶπεν αὐτῷ πᾶσαν τὴν ἀλήθειαν. 34 ὁ δὲ εἶπεν αὐτῇ· ⸀Θυγάτηρ* ἡ πίστις σου σέσωκέν σε· ὕπαγε εἰς εἰρήνην, καὶ ἴσθι ὑγιὴς ἀπὸ τῆς μάστιγός σου.

35 Ἔτι αὐτοῦ λαλοῦντος ἔρχονται ἀπὸ τοῦ ἀρχισυναγώγου λέγοντες ὅτι Ἡ θυγάτηρ σου ἀπέθανεν· τί ἔτι σκύλλεις τὸν διδάσκαλον; 36 ὁ δὲ Ἰησοῦς ⸀παρακούσας†τὸν λόγον λαλούμενον λέγει τῷ ἀρχισυναγώγῳ· Μὴ φοβοῦ, μόνον πίστευε. 37 καὶ οὐκ ἀφῆκεν οὐδένα ⸂μετʼ αὐτοῦ‡ συνακολουθῆσαι εἰ μὴ ⸀τὸν§Πέτρον καὶ Ἰάκωβον καὶ Ἰωάννην τὸν ἀδελφὸν Ἰακώβου. 38 καὶ ⸀ἔρχονται*εἰς τὸν οἶκον τοῦ ἀρχισυναγώγου, καὶ†θεωρεῖ θόρυβον ⸀καὶ κλαίοντας καὶ ἀλαλάζοντας πολλά, 39 καὶ εἰσελθὼν λέγει αὐτοῖς· Τί θορυβεῖσθε καὶ κλαίετε; τὸ παιδίον οὐκ ἀπέθανεν ἀλλὰ καθεύδει. 40 καὶ κατεγέλων αὐτοῦ. ⸀αὐτὸς‡δὲ ἐκβαλὼν πάντας παραλαμβάνει τὸν πατέρα τοῦ παιδίου καὶ τὴν μητέρα καὶ τοὺς μετʼ αὐτοῦ, καὶ εἰσπορεύεται ὅπου ἦν τὸ ⸀παιδίον§ 41 καὶ κρατήσας τῆς χειρὸς τοῦ παιδίου λέγει αὐτῇ· Ταλιθα ⸀κουμ* ὅ ἐστιν μεθερμηνευόμενον· Τὸ κοράσιον, σοὶ λέγω, ⸀ἔγειρε† 42 καὶ ⸀εὐθὺς‡ἀνέστη τὸ κοράσιον καὶ περιεπάτει, ἦν γὰρ ἐτῶν δώδεκα. καὶ ἐξέστησαν ⸁εὐθὺς§ἐκστάσει μεγάλῃ. 43 καὶ διεστείλατο αὐτοῖς πολλὰ ἵνα μηδεὶς γνοῖ τοῦτο, καὶ εἶπεν δοθῆναι αὐτῇ φαγεῖν.

* 5:1 Γερασηνῶν WH Treg NA28 ] Γαδαρηνῶν RP † 5:2 ἐξελθόντος αὐτοῦ WH Treg NA28 ] ἐξελθόντι αὐτῷ RP ‡ 5:2 εὐθὺς ὑπήντησεν WH Treg NA28 ] εὐθέως ἀπήντησεν RP § 5:3 οὐδὲ ἁλύσει οὐκέτι WH Treg NA28 ] οὔτε ἁλύσεσιν RP * 5:4 ἴσχυεν αὐτὸν WH Treg NA28 ] αὐτὸν ἴσχυεν RP † 5:5 μνήμασιν καὶ ἐν τοῖς ὄρεσιν WH Treg NA28 ] ὄρεσιν καὶ ἐν τοῖς μνήμασιν RP ‡ 5:6 καὶ ἰδὼν WH Treg NA28 ] Ἰδὼν δὲ RP § 5:6 αὐτόν WH ] αὐτῷ Treg NA28 RP * 5:7 λέγει WH Treg NA28 ] εἶπεν RP † 5:9 ὄνομά σοι WH Treg NA28 ] σοι ὄνομα RP ‡ 5:9 λέγει αὐτῷ WH Treg NA28 ] ἀπεκρίθη λέγων RP § 5:9 Λεγιὼν WH Treg NA28 ] Λεγεὼν RP * 5:10 αὐτὰ WH Treg NA28 ] αὐτοὺς RP † 5:12 αὐτὸν WH Treg NA28 ] + πάντες οἱ δαίμονες RP ‡ 5:13 αὐτοῖς WH Treg NA28 ] + εὐθέως ὁ Ἰησοῦς RP § 5:13 ὡς WH Treg NA28 ] ἦσαν δὲ ὡς RP * 5:14 Καὶ οἱ WH Treg NA28 ] Οἱ δὲ RP † 5:14 αὐτοὺς WH Treg NA28 ] τοὺς χοίρους RP ‡ 5:14 ἀπήγγειλαν WH Treg NA28 ] ἀνήγγειλαν RP § 5:14 ἦλθον WH Treg NA28 ] ἐξῆλθον RP * 5:15 καθήμενον WH Treg NA28 ] + καὶ RP † 5:15 λεγιῶνα WH Treg NA28 ] Λεγεῶνα RP ‡ 5:16 καὶ διηγήσαντο WH Treg NA28 ] Διηγήσαντο δὲ RP § 5:18 ἐμβαίνοντος WH Treg NA28 ] ἐμβάντος RP * 5:18 μετʼ αὐτοῦ ᾖ WH Treg NA28 ] ᾖ μετʼ αὐτοῦ RP † 5:19 καὶ WH Treg NA28 ] Ὁ δὲ Ἰησοῦς RP ‡ 5:19 ἀπάγγειλον WH Treg NA28 ] ἀνάγγειλον RP § 5:19 ὁ κύριός σοι WH Treg NA28 ] σοι ὁ κύριος RP * 5:22 καὶ WH Treg NA28 ] + ἰδού RP † 5:23 παρακαλεῖ WH Treg NA28 ] παρεκάλει RP ‡ 5:23 τὰς χεῖρας αὐτῇ WH Treg NA28 ] αὐτῇ τὰς χεῖρας RP § 5:23 ἵνα WH Treg NA28 ] ὅπως RP * 5:23 ζήσῃ WH Treg NA28 ] ζήσεται RP † 5:25 γυνὴ WH Treg NA28 ] + τις RP ‡ 5:25 δώδεκα ἔτη WH NA28 ] ἔτη δώδεκα Treg RP § 5:27 ἀκούσασα Treg NA28 RP ] + τὰ WH * 5:28 Ἐὰν ἅψωμαι κἂν … αὐτοῦ WH NA28 ] Κἂν … αὐτοῦ ἅψωμαι Treg RP † 5:29 εὐθὺς WH Treg NA28 ] εὐθέως RP ‡ 5:30 εὐθὺς WH Treg NA28 ] εὐθέως RP § 5:33 αὐτῇ WH Treg NA28 ] ἐπʼ αὐτῇ RP * 5:34 Θυγάτηρ WH Treg NA28 ] θύγατερ RP † 5:36 παρακούσας WH Treg NA28 ] εὐθέως ἀκούσας RP ‡ 5:37 μετʼ αὐτοῦ WH Treg NA28 ] αὐτῷ RP § 5:37 τὸν WH Treg NA28 ] – RP * 5:38 ἔρχονται WH Treg NA28 ] ἔρχεται RP † 5:38 καὶ WH Treg NA28 ] – RP ‡ 5:40 αὐτὸς WH Treg NA28 ] Ὁ RP § 5:40 παιδίον WH Treg NA28 ] + ἀνακείμενον RP * 5:41 κουμ WH Treg NA28 ] κοῦμι RP † 5:41 ἔγειρε WH Treg NA28 ] ἔγειραι RP ‡ 5:42 ⸀εὐθὺς WH Treg NA28 ] εὐθέως RP § 5:42 ⸁εὐθὺς WH Treg NA28 ] – RP