☰ 1 Timothy 4
About doctrine
4
Things taught by demons
1 Τὸ δὲ Πνεῦμα ῥητῶς λέγει ὅτι ἐν ὑστέροις καιροῖς ἀποστήσονταί τινες τῆς πίστεως, προσέχοντες πνεύμασιν πλάνοις* καὶ διδασκαλίαις δαιμονίων 2 —ἐν ὑποκρίσει ψευδολόγων κεκαυτηριασμένων† τὴν ἰδίαν συνείδησιν, 3 κωλυόντων γαμεῖν, ἀπέχεσθαι βρωμάτων ἃ ὁ Θεὸς ἔκτισεν εἰς μετάληψιν‡ μετὰ εὐχαριστίας§ τοῖς πιστοῖς καὶ ἐπεγνωκόσι* τὴν ἀλήθειαν. 4 Ὅτι πᾶν κτίσμα Θεοῦ καλόν, καὶ οὐδὲν ἀπόβλητον μετὰ εὐχαριστίας λαμβανόμενον, 5 ἁγιάζεται γὰρ διὰ λόγου Θεοῦ καὶ ἐντεύξεως.
A good servant of Jesus Christ
6 Ταῦτα ὑποτιθέμενος τοῖς ἀδελφοῖς καλὸς ἔσῃ διάκονος Ἰησοῦ Χριστοῦ,† ἐντρεφόμενος‡ τοῖς λόγοις τῆς πίστεως καὶ τῆς καλῆς διδασκαλίας ᾗ παρηκολούθηκας. 7 Τοὺς δὲ βεβήλους καὶ γραώδεις μύθους παραιτοῦ· γύμναζε δὲ σεαυτὸν πρὸς εὐσέβειαν. 8 Ἡ γὰρ σωματικὴ γυμνασία πρὸς ὀλίγον ἐστὶν ὠφέλιμος, ἡ δὲ εὐσέβεια πρὸς πάντα ὠφέλιμός ἐστιν, ἐπαγγελίας§ ἔχουσα ζωῆς τῆς νῦν καὶ τῆς μελλούσης.
A trustworthy word
9 Πιστὸς ὁ λόγος καὶ πάσης ἀποδοχῆς ἄξιος 10 (εἰς τοῦτο γὰρ καὶ* κοπιῶμεν καὶ ὀνειδιζόμεθα)·† ὅτι ἠλπίκαμεν ἐπὶ Θεῷ ζῶντι, ὅς ἐστιν Σωτὴρ πάντων ἀνθρώπων, μάλιστα‡ πιστῶν.
Watch your life and doctrine
11 Παράγγελλε§ ταῦτα καὶ δίδασκε. 12 Μηδείς σου τῆς νεότητος καταφρονείτω, ἀλλὰ τύπος γίνου* τῶν πιστῶν ἐν λόγῳ, ἐν ἀναστροφῇ, ἐν ἀγάπῃ, ἐν πνεύματι,† ἐν πίστει, ἐν ἁγνείᾳ. 13 Ἕως ἔρχομαι πρόσεχε τῇ ἀναγνώσει, τῇ παρακλήσει, τῇ διδασκαλίᾳ. 14 Μὴ ἀμέλει τοῦ ἐν σοὶ χαρίσματος, ὃ ἐδόθη σοι διὰ προφητείας μετὰ ἐπιθέσεως τῶν χειρῶν τοῦ πρεσβυτερίου. 15 Ταῦτα μελέτα· ἐν τούτοις ἴσθι, ἵνα σου ἡ προκοπὴ φανερὰ ᾖ ἐν‡ πᾶσιν. 16 Ἔπεχε σεαυτῷ καὶ τῇ διδασκαλίᾳ· ἐπίμενε αὐτοῖς, τοῦτο γὰρ ποιῶν καὶ σεαυτὸν σώσεις καὶ τοὺς ἀκούοντάς σου.
* 4:1 πλανοις f35 ℵA,C [70%] RP,HF,OC,TR,NU ¦ πλανης [30%] CP † 4:2 κεκαυτηριασμενων f35 C,I [85%] RP,HF,TR,CP ¦ κεκαυστηριασμενων ℵA [10%] OC,NU ¦ και καυ(σ)τηριασμενων [5%] ‡ 4:3 μεταληψιν f35 C [97%] RP,HF,OC,TR,CP ¦ μεταλημψιν ℵA [3%] NU § 4:3 ευχαριστιας f35 ℵC [90%] RP,HF,OC,TR,CP,NU ¦ ευχαριστειας A [10%] (Also in verse 4.) * 4:3 επεγνωκοσι f35 ℵC [80%] HF,OC,CP,NU ¦ επεγνωκοσιν A [20%] RP,TR (Some TRs have the shorter form.) † 4:6 ιησου χριστου f35 [80%] RP,HF,OC,TR ¦ ~ 21 ℵA,C [20%] CP,NU ‡ 4:6 εντρεφομενος rell ¦ εκτρεφομενος [2%] CP § 4:8 επαγγελιας f35 [60%] OC ¦ επαγγελιαν ℵA [40%] RP,HF,TR,CP,NU (The form being ambiguous between genitive singular or accusative plural, copyists who took the form to be genitive would naturally change it to accusative, leaving it singular. In the context the accusative plural makes excellent sense, there being many promises.) * 4:10 και f35 [95%] RP,HF,OC,TR,CP ¦ — ℵA,C [5%] NU † 4:10 ονειδιζομεθα f35 [93%] RP,HF,OC,TR,CP ¦ αγωνιζομεθα ℵA,C [7%] NU (Is not the variant chosen by NU inferior?) ‡ 4:10 μαλιστα rell ¦ 1 δε [10%] § 4:11 παραγγελλε rell ¦ παραγγελε [10%] CP (Also in 5:7 and 6:17.) * 4:12 γινου f35 ℵA,C [90%] RP,HF,OC,TR,NU ¦ γενου [10%] CP † 4:12 εν πνευματι f35 (90.9%) RP,HF,OC,TR,CP ¦ — ℵA,C,I (9.1%) NU (The omission could be a not very difficult case of homoioarcton.) ‡ 4:15 εν f35 (97.4%) RP,HF,OC,TR,CP ¦ — ℵA,C (2.4%) NU ¦ one other variant (0.2%)
☰