100
Wokthun Garraywu
100:1–5 (Praise the Lord)
1 Go wäŋa malanha bukmak, yiŋgathiya Garraywu,
goŋmirriyiyana nhanŋu go rirrakay‐djulŋithinyamirriyuna.
2 Märr‐ŋal'yurra nhanŋu ŋoy‐djulŋithinyarayu,
ga marrtjiya lili nhanukala, miyamala ŋayaŋu‐djulŋithinyaramirri manikay.
3 Marŋgithiyana nhanŋu Garraywu, ŋunhi ŋayi dhuwala Gunhu' Waŋarr, ŋayipi yana.
Ŋayi bokmara ŋilimurrunha, ga ŋilimurrunydja dhuwala nhanŋuwaynha mala yolŋu;
ŋilimurru nhanukalana goŋŋura, liŋgu ŋayi ŋilimurruŋgunydja djäkamirri.
4 Go gärriyana lili nhanukala Buṉbulilina, buku‐wekaŋana ŋanya,
ŋilimurru wokthunna nhanŋu wal'ŋu mirithirrina;
Buku‐wekaŋa ŋanya, ga yäkuna ŋanya garrwarkuŋa.
5 Bili Garray dhuwala ḻatjuny'tja,
nhanŋu märr‐ŋamathinyaranydja dhärrana yukurra,
ga bitjanna liŋguna yurru, weyinŋumirrina.
Garraynydja dhuwala märr‐yuwalkthinyaramirri;
Ŋilimurrunydja yurru ga yumurrku' ŋilimurruŋgu märr‐nherraṉmirrina nhanukala,
liŋgu ŋayipinydja yurru yukurra dhärra bitjanna liŋguna djambimiriwnha‐wala yana.