10
33 Bitjanna liŋgu ŋunhiyi Garraywu Dhawu'‐nherraṉminyarawuynydja Bathi ŋurruŋu ŋuli marrtjinya yana yukurranha, yana liŋgu‐u‐u ga ŋayathanha walala ŋuli ŋunhiyi wäŋa nhinanharawu.
34 Ga bitjanna liŋgu walu ŋupana ŋuli waŋupini'yunydja ŋuriŋiyi ŋunhi yolŋu'‐yulŋunhanydja ŋäkirrmaranha yukurranha.
35 Ga bitjanna liŋgu ŋunhi ŋuli ḏalkarra'mirriyu ŋuriŋi yolŋu'‐yulŋuyu märranha ŋunhiyi Dhawu'‐nherraṉminyarawuynydja Bathi, girri'‐ŋamathinya marrtjinyarawuna, ŋayi ŋuli yatjuna waŋanha Mawtjitjtja bitjana, “Garray gaŋgathiyana, ŋuparrana ŋunhanydja barrkuwatjkuŋana nhuŋuway miriŋunhanydja. Biyakana walalanha ŋunhinydja yolŋu'‐yulŋunha beyaṉu‐wukuŋana, walala yurru waṉḏirrina bena‐wala barrkulilina yana, ŋunhi walala ŋuli ŋuyulkthirri nhuŋu.” Bitjana ŋayi ŋuli ŋunhi Mawtjitj waŋanha, bala walala ŋuli marrtjinyana yana‐wala giṯthunana.
36 Ga ŋunhi walala ŋuli bunanha wanhami wäŋaŋura, walala ŋuli ḏalkarra'mirriyunydja walalay gurrunhana ŋunhiyi Bathinydja, bala ŋayi ŋuli Mawtjitjtja waŋanha bitjana, “Garray, go marrtjiyana lili. Ŋäkirrmaraŋa dhuwala yolŋu'‐yulŋunhanydja, ga gunganhamirriyaŋa walalanha nhuŋuwaynydja yolŋu'‐yulŋunha Yitjuralpuyŋunhanydja, birrka'mirrinha yana gurruṯu'nha ga gurruṯu'nha.”