Yo, bukmaktja walala ŋunhi bäpurru' malanha waŋganynha yana Yitjuralnha miṯtji, nhanŋuwaynha wal'ŋu Godkuna mala, yurru walala marrtjina guḻk‐guḻkthunminana ŋunhiyi bäpurru' ga bäpurru' malanha yolŋu'‐yulŋunydja, bala nhinanana marrtjina barrkuwatjnha. Bala walala waŋga'‐waŋganydhu yana bäpurru'yunydja ŋupara gukuŋalana yanana‐wala ŋunhi miriŋunha ŋuliŋuruyi walalaŋgala wäŋaŋurunydja, bala wäŋana djäma dhuḻ'yurruna walalaŋguway walala nininyŋukunharawuna nhinanharawu. Yurru waŋganyŋuranydja ŋunhiliŋuminydja wäŋaŋura *Djurutjalamdja miriŋu yukurrana nhinana mirithirrina wal'ŋu ḏälmirrina, †Djepatjkuŋuna mala‐wunharawuy, walalanydja ŋunhi yakana Yitjuralpuyŋuyunydja djuḻkthunmaraŋala ŋunhi wuṉḏaŋarrmirrinhanydja gal'ŋu miriŋunha.