124
A ninge utano hinahaan uram Ierusalem. Devit ga pit ie.
1 “Gor ngan hohe ing bia no Watong pa gate tur wara harharahut dahat?”
Na tahut bia Israel na tange habaling hoken:
2 “Gor ngan hohe ing bia no Watong pa gate tur wara harharahut dahat
tano pakana bung ing ira tunotuno diet ga tut na hinarubu ma dahat?
3 Io, diet gor kanam halilon dahat
tano pakana bung ing diet ga bala mamahien ma ra tamat na ngalngaluan taar ta dahat.
4 No taahit gor kanam dahat,
ma no taah gor burung dahat.
5 No tektek gor salirane dahat.”
6 A pirharlat tupas no Watong,
nong pai le bale dahat bia da sapak dahat ma ira ngise diet.
7 Dahat te langalanga haruat ma ra maan i tamalapus laah tano kuun, a uno no ut na hakuni maan.
No kuun i te tamarapat, ma dahat te langalanga sukun ie.
8 No udahat harharahut ie ke tano Watong,
nong ga hakisi no mawe ma no ula hanuo.