122
A ninge utano hinahaan uram Ierusalem. Devit ga pit ie.
1 Iau ga guama ing di ga tange tagu bia,
“Dahat gi haan ukatiga tano hala na lotu tano Watong.”
2 Ira kaki dahat i tur taar um
narako tano matanangaas laka ta Ierusalem.
3 Di ga gil Ierusalem hoing tiga tamat na pise na hala
ing ira uno hala diet tur hutet tika.
4 Ira huntunaan diet la haan hanut ukaia,
diet at ira huntunaan tano Watong,
wara pirpirlat no hinsana no Watong
haruat ma no harkurai nong gate tar ta Israel.
5 Kaia ira kinkinis wara gil harkurai i la tur taar,
kaike ira kinkinis na harkurai at tano huntunaan ta Devit.
6 Sasaring utano malum ta Ierusalem hoken:
“Sige ing diet kalak ugu, iau sip bia diet na lon timaan.
7 Na tahut bia na mon malum narako ta ira num balo
ma ra harbalaurai timaan mah.”
8 Iau ni tange tiga nianga ta Ierusalem wara gaiena ira tasigu ma ira nugu harwis,
ma i hoken, “A malum na kis taam.”
9 Iau ni silihe ira bilbilai ta Ierusalem
wara gaiena no hala na lotu tano Watong, no udahat God.