120
A ninge utano hinahaan uram Ierusalem.
1 Ta ira nugu tinirih iau ga tataau uram tano Watong
ma ga taram iau.
2 Watong, halon iau sukun ira ut na harabota
ma ira ina bis.
3 No Watong na gil ra sa ta muat ira ut na harabota?
A tamat na harpidanau sa bia na ubal muat mei?
4 Na hapidanau muat ma ira rumus gar na umri ing i manga iaiaan
tika ma ra kalangaruan na kukurto na kuhule.
5 Maris tagu, i hoing bia iau gaar goota ares Mesek ing i tapaka saakit,
bia iau gaar kis longai ta ira palpalih arau Kedar!
6 Iau te lon lawas
nalamin ta diet ing diet malentakuane ra malum.
7 A tunotuno na malum iau,
iesen ing iau la iangianga, diet sip wara hinarubu.