70
Ala le ye ɲanibagatɔ dɛmɛbaga ye
(Hayan 2–6; Zaburu 40.14-18)
1 Dɔnkirilabagaw kuntigi. Dawuda ta Zaburu. Hakirijigi dɔnkiri.
2 E, Ala, na ne bɔsi,
Matigi Ala, teliya ka na ne dɛmɛ!
3 Minw b’a fɛ ka ne nin bɔ,
olugu le ye maroya, fɔ ka o kun suuru!
Minw b’a fɛ kojugu ye ne sɔrɔ,
olugu le ye dɔgɔyari sɔrɔ, fɔ ka sekɔ ni o kɔ ye.
4 Minw bɛ yɛrɛko ne ma ko: «Ha ha ha»,
maroya ye olugu lasekɔ ni o kɔ ye!
5 Nka minw bɛɛ bɛ ele yɔrɔɲini,
olugu ye ninsɔndiya ka ɲagari i kosɔn!
I ta kisiri ko ka di minw ye,
olugu y’a fɔ tuma bɛɛ ko: «E, Ala ka bon!»
6 Ne kɔni ye ɲanibagatɔ ye, ani fagantan.
E, Ala, i teliya ka na ne dɛmɛ!
Ele le ye ne dɛmɛbaga ye, ani ne kunmabɔbaga,
Matigi Ala, i kana mɛɛn.