75
ጾሳይ ፕርድያዋ ግዱሳ
ዛማረቱዋ ካፖ አሳፍ። “ꬋይሶፓ” ጌተትያ ዲꬃ ዋꬃን የጼዳ የꬃ።
1 ነዉ ጋላታ እሜቶ፤ አቤት ጾሳዉ፥ ኔና ጋላቴቶ፤
“ነ ሱንꬃይ ዎጋ” ጊደ አዋዬቶነ፥
ማላልስያ ነ ኦሱዋ ኡባ ኦዴቶ።
2 ጾሳይ፥ “ዶራደ ኬሬዳ ጋላስ፥
ሱረ ፕርዳ ፕርዳናዌ ታና።
3 ሳአይነ አን ደእያዋንቱ ኡባይ ቃጽናካ፥
አ ቱሳ ምንሳ ኤስያዌ ታና።
4 ታን ኦቶራንቻቱዋ፥ ኦቶረቶፕተ ያጋይ፤
ኢታቱዋካ፥ ህንተ ካጭያ ደንꬆፕተ።
5 ህንተ ካጭያ ꬎቂስ በሶፕተ፤
ዛቱሪደ ሃሳዮፕተ ያጋይ” ያጌ።
6 ቦንቹ አዋይ ዶልያሳፐ
ዎይ ዉልያሳፐ
ዎይ ባዙዋፐ ዬና።
7 ሽን ፕርድያዌ ጾሳ፤
እ እቱዋ ቦላ ፕርዴ፤
እቱዋ ሻትንꬄ።
8 መꬍና ጎዳ ኩሽያን እት ዋንጫይ ደኤ፤
ሄ ዋንጫይ ጾሳ ሀንቁዋ ዎይንያ ኤሳን ኩም ኡቴዳ።
እ ሄዋፐ ኡሻ ትግና፥
ሳኣን ደእያ ኢታ አሳቱ ሄዋ ኡሻና፤
ኡንቱንቱ ኦርጩዋካ አሸናን ጭንግሲደ ኡሻና።
9 ሽን ታን ያቆባ ጾሳባ ኦዳናነ
መꬍናዉ አ ሳባና።
10 እ ኢታ አሳቱዋ ካጭያ ኡባ መንꬃና፥
ሽን ጽሎቱዋ ካጪ ꬎቁ ꬎቁ ጋና።