6
ኡንኦ ዎድያን ሺቄዳ ዎሳ
ዛማረቱዋ ካፖ ዲꬃቱዋን የጸቴዳ፥ ዳዊታ ማዝሙርያ
1 አቤት መꬍና ጎዳዉ፥ ነ ሀንቁዋን ታና ሴሮፓርኪ፤
ዎይ ነ ይሉዋን ታና ሙሮፓርኪ።
2 አቤት መꬍና ጎዳዉ፥ ታን ላባኔዳ ድራዉ፥
ታና ማራርኪ።
አቤት መꬍና ጎዳዉ፥ ታ ዎዛናይ ማዱጾ ድራዉ፥ ታና ፓꬃ።
3 ታ ሸምፓታ ዳሮፐ ኡንኤታዱ፤
ሽን ጾሳዉ፥ ታና ማዳናዉ ኔን አዉደ ጋካናዉ ጋምአይ?
4 አቤት ጾሳዉ፥ ኔን ስማደ፥ ታና አሻ፤
ነ ማሮታ ዳሩዋን ታና ከሳ አካ።
5 ሀይቄዳ ኡራይ ኦንነ ኔና ሀሳየና፤
ዱፉዋን ኔና ጋላትያዌ ባዋ።
6 ታን ኦልያን ዳቡራድ፤
ቃማ ኡባን ታን ዬካደ፥ ታ ሂጻ እርጽሳድ፤
ታ ቦርኮꬃካ ታ አፎꬃን ሙሱꬍሳድ።
7 ታ ሞርከቱዋ ኡባ ጋሱዋን ታን አፎጼዳ ድራዉ፥
ታ አይፊ ጋልጄዳ፤
ታ አይፊ ደመናን እጼዳ።
8 መꬍና ጎዳይ ታን ዬክያ ዬኩዋ ስሴዳ ድራዉ፥
ህንተኖ፥ ኢታ ኦꬅያ ኡባቶ፥
ገደ ታፐ ሻከትተ።
9 መꬍና ጎዳይ ታ ዋትዋቱዋ ስሴዳ፤
መꬍና ጎዳይ ታ ዎሳነ ስሴ።
10 ታ ሞርከ ኡባቱ ዬላትኖነ ቱጋትኖ።
ኡንቱንቱ ቆፐናን ዬላቲደ፥ ጉየ ስምኖ።