ላኤንꬆ ማጻፋ
42
(ማዝ. 42—72)
የደሳ ዎደ ዎሳ
ዛማረቱዋ ካፖ የጸቴዳ፥ ቆረ ናናቱዋ አኬካ ግንጹዋ
1 ጋራይ ጎግያ ሃꬃ ላሞትያዋዳን፥
አቤት ጾሳዉ፥ ሄዋዳን ታንካ ኔና ላሞታይ።
2 “ታን ባደ፥ ጾሳ ስንꬃ
በአናዌ አዉዴሻ?” ጋደ፥
ጾሳ፥ ደኡዋ ጾሳ በአናዉ ሳመታይ።
3 አሳቱ ኡባ ገደ፥ “ነ ጾሳይ ሀቃን ደኢ?”
ያግያ ዎደ፥ ታዉ ጋላስነ ቃማ ታ አፎꬃይ ቁማ ግዴዳ።
4 ታን ኡንቱንቱ ባላ ቦንቻናዉ፥
ሺቄዳ ዳሮ አሳ ግዱዋና
ሳልፕያን ሆምቦጭሺናነ
ጋላታ የꬃ የጽሽን፥
ጾሳ ጎለ ካለꬄዳዋ ቆፕያ ዎደ፥
ታ ዎዛናይ ካዮቲደ፥ ግዶን ሴሬዳ።
5 ታ ሸምፓቴ፥ ታን አያዉ ካዮታይታ?
ቃይ አያዉ ጃባካታይታ?
ታን ጾሳን ህዶታ ዎꬃና።
አያዉ ጎፐ፥ ታን ብሮ
ታና አሽያዋነ ታ ጾሳ ጋላታና።
6 ታ ዎዛናይ ካዮቴዳ፤ ሄዋ ድራዉ፥
ታን ዮርዳኖሳ ቢታን፥ ሄርሞነ ꬎቃን፥
ሚዛረ ደርያን ኤቃደ ኔና ሀሳያይ።
7 ነ ሶሱዋ ጉንꬃን ጪሙ ጪማዉ ጼሴ፤
ቃይ ነ ቤታይነ ነ ሆቢ ኡባይ
ታ ቦላና ጎጌዳ።
8 ጋላስ መꬍና ጎዳይ አገና ባረ ሲቁዋ ታዉ ኪቴ።
ቃማካ አ የꬃይ ታናና ደኤ፤
ሄ የꬃይካ ታን ታ ደኡዋ ጾሳ ዎስያ ዎሳ።
9 ጾሳ፥ ታ ዎጋ ዛላ ታን፥
“አያዉ ታና ዶጋዲ?
ታን አያዉ ታ ሞርክያን ናቀታደ ካዮታደ ሀመቶ?” ያጋይ።
10 ታ ሞርከቱ ታና፥
“ነ ጾሳይ ሀቃን ደኢ?” ያጊደ፥
ታ መቀꬃ መንꬂደ ቦሪኖ።
11 ታ ሸምፓቴ፥ ታን አያዉ ካዮታይታ?
ቃይ አያዉ ጃባካታይታ?
ጾሳን ህዶታ ዎꬃና።
አያዉ ጎፐ፥ ታን ሀእካ
ታና አሽያዋነ ታ ጾሳ ጋላታና።