138
ጋላታ ዎሳ
ዳውት ጻፌዳዋ
1 አቤት መꬍና ጎዳዉ፥ ታን ታ ኩመንꬃ ዎዛናፐ ኔና ጋላታና፤
ጾሳቱዋ ስንꬃን ኔና ሳባና።
2 ነ ጌሻ ጎልያኮ ስማደ፥
ነዉ ጎይናደ፥ አገና ነ ሲቁዋነ ነ ቱማተꬃ ድራዉ፥
ታን ነ ሱንꬃ ጋላታይ፤
አያዉ ጎፐ፥ ኔን ነ ሱንꬃነ ነ ቃላ፥
ኡባፐ አꬃደ ꬎቁ ኦꬃዳ።
3 ታን ጼሴዳ ጋላስ ታዉ ኮያዳ፤
ነ ምኖተꬃን ታና ምንሳዳ።
4 አቤት መꬍና ጎዳዉ፥ ሳኣን ደእያ ካተቱ ኡባይ፥
ኔና ጋላትኖ፤
አያዉ ጎፐ፥ ኡንቱንቱ ነ ዶናፐ ከሴዳ ቃላ ስሴድኖ።
5 መꬍና ጎዳ ቦንቹ ዎልቃማ ግድያ ድራዉ፥
ኡንቱንቱ መꬍና ጎዳ ኦግያዋ የጻና።
6 መꬍና ጎዳይ ቦላ ꬎቃን ደኦፐካ፥
ህዬሳቱዋ ኬካ አይፍያን ጼሌ።
ሽን ኦቶራንቻቱዋ እ ሃኩዋን ኤሬ።
7 ታን መቱዋ ግዱዋና ሀመቶፐካ፥
ኔን ታና ደኡዋን ናጋሳ።
ታ ሞርከቱዋ ሀንቁዋ ቦላ ነ ኩሽያ ምጫሳ፤
ነ ኡሸቻን ታና አሻሳ።
8 መꬍና ጎዳይ ታዉ ጊደ ቆፔዳዋ ፖላና፤
አቤት መꬍና ጎዳዉ፥ አገና ነ ሲቁ መꬍናዋ።
ነ ኩሽያ ኦሱዋ አጋ አጎፓ።