130
ማዱዋ ደማናዉ ሺቄዳ ዎሳ
ፑደꬃ ከሲደ የጼዳ የꬃ
1 አቤት መꬍና ጎዳዉ፥ ታን መቱዋ ጪማን ደኣደ፥
ኔኮ ዋሳይ።
2 አቤት ጎዳዉ፥ ታ ኮሻ ስሳ፤
ታን ዋትዋትያ ዋትዋቱዋ ነ ሀይꬃይ ሀይዞ።
3 አቤት መꬍና ጎዳዉ፥ ኔን፥
ኑ ናጋራ ማዝጎብያን ጻፌደንቶ፥
አቤት ጎዳዉ፥ ዎን ኦን ፕርዳፐ አታናዉ ዳንዳዪ?
4 ሽን ኑን ኔና ቦንቺደ አዛዘታና ማላ፥
ኑዉ አቶ ያጋሳ።
5 ታን መꬍና ጎዳ ናጋይ፤
ኤ፥ ታን አ ላሞታን ናጋይ፤
አ ቃላንካ ህዶታ ኦꬃይ።
6 ሳአይ አዉደ ዎንታንዴሻ
ጊደ ናግያ ቃማ ዛባይንያቱዋፐ አꬋአደ፥
ታን ኡንቱንቱፐካ አꬃደ፥
ጎዳ ላሞታን ናጋይ።
7 እስራኤልያ አሳዉ፥ መꬍና ጎዳን ህዶታ ኦꬅተ፤
አያዉ ጎፐ፥ አገና ሲቁ መꬍና ጎዳና፤
ቃይ እ ኡባ ገደ አሳ አሻናዉ ኮዬ።
8 እስራኤልያ አሳ
ኡንቱንቱ ናጋራ ኡባፐ አሻናዌ አ።