12
ኢታ አላምያፐ አታናዉ ሺቄዳ ዎሳ
ዛማረቱዋ ካፖ ዲꬃን የጸቴዳ፥ ዳዊታ ማዝሙርያ።
1 መꬍና ጎዳዉ፥ ኑና ማዳርኪ?
አያዉ ጎፐ፥ ጾሳ አሳይ ኡባካ ባዋ፤
አሳ ግዶን አማነትያዌ ꬋይክቼዳ።
2 ኡባ ዎደካ እቱ እቶ ዎርዱዋ ሃሳዪኖ፤
እቱ እቱዋ ሸሌሽያ እንጻርሳን ባለꬁዋን ሃሳዪኖ።
3 አቤት መꬍና ጎዳዉ፥ ሀ ሸሌሽያ ዶና ባራ።
ኦቶሩዋን ጬቀትያ እንጻርሳ ኡባ ኔን ጭጋ ኦላ።
4 ኡንቱንቱ፥ “ኑን ኑ እንጻርሳን ጾናና፤
ኑ መተርሻይ ኑዋ፤ ኑ ጎዳይ ኦኔ?” ያግኖ።
5 መꬍና ጎዳይ፥ “ህዬሳቱ ኡንኤቴዳ ድራዉነ፥
መቶታንቻቱዋ ኦልያ ድራዉ፥
ሀእ ታን ደንዳና።
ታን ኡንቱንቱ አሞትያ ሳሮተꬃን ኡንቱንታ ዎꬃና” ያጌ።
6 ጾሳ ቃላቱ ዋላክ ባይና ጌሻቱዋ፤
ጮጭያ ታማን ላፑን ገደ ትገቴዳ ብራዳን ጌዬዳዋንታ።
7 አቤት መꬍና ጎዳዉ፥ ኔን ኡንቱንታ ሳሮተꬃን ናጋነ
ሀዋ ማላ አሳፐ መꬍናዉ ኡንቱንታ አሻ።
8 አሳ ግዱዋን ኢታይ ቦንቼቴዳ ዎደ፥
ኢታቱ ኡባ ሳና ስመረቴድኖ።