111
ጾሳዉ ሺቅያ ጋላታ
1 መꬍና ጎዳ ጋላትተ! ሱረቱ ሺቅያ ሺቁዋን፥
ታን ታ ፖሎ ዎዛናፐ መꬍና ጎዳ ጋላታና።
2 መꬍና ጎዳ ኦሶቱ አይ ኬሻ ግቴ!
ኡንቱንቱን ናሸትያዋንቱ ኡባይ ኡንቱንታ ቆፓናዉ በሴ።
3 አ ኦሶቱ ቦንቹዋንነ
አንጋን ኩሜዳዋንታ።
አ ጽሎተꬃይካ መꬍናዉ ደኤ።
4 እ ባረ ማላልስያ ኦሶቱ፥
ሀሳየታናዳን ኦꬄዳ።
መꬍና ጎዳይ ቃረትያዋነ ማርያዋ።
5 ባረዉ ያይያዋንቶ ቁማ እ እሜ፤
እ ባረ ጫቁዋ መꬍናዉካ ቆፔ።
6 አላጋቱዋ ቢታ እምያዋን
እ ባረ ኦሱዋ ዎልቃ ባረ አሳ በሴዳ።
7 አ ኩሽያ ኦሶቱ ቱማነ ልከ፤
አ ዎጋቱካ ኡባይ አማነትያዋንታ።
8 ኡንቱንቱነ መꬍ መꬍናዉ ኤቂደ ደእያዋንታ፤
ቱማተꬃንነ ሱረተꬃን እመቴዳዋንታ።
9 እ ባረ አሳ ዎዚደ ከሴዳ፤
እ ባረ ጫቁዋ ኡንቱንቱና መꬍናዉ ዎꬄዳ።
አ ሱንꬃይ ጌሻነ፥ “ሆላ!” ጊስያዋ።
10 ኤራተꬃዉ ኮይሩ መꬍና ጎዳዉ ያይያዋ፤
አ ዎጋ ኦꬅያዋንቶ ሎኦ አኬካይ ደኤ።
ጾሳይ መꬍናዉ ጋላተቶ!