15
ዎይንያ ቱራ ሌምሱዋ
1 መꬍና ጎዳ ቃላይ ታኮ ሀዋዳን ያጊደ ዬዳ፤
2 “ላ አሳ ናአዉ፥ ዎይንያ አኑ ባዙዋን ደእያ ሀራ ምꬃፐ አያን ኬኪ?
3 ጎአይ ደእያባ ኦꬃናዉ አ አኑዋፐ ቃንጸት ኤሪ? አየንቶ ካቂያ ኮጫ አፐ ከሳ ኤራይ?
4 አ ኦይሰꬁዋዳን ታማን የግና፥ ያ ባጋይነ ሀ ባጋይ ታማን ሜተትና፥ ግዱዋን አቴዳ ጺጹንꬃይ አይ ማዳኔ?
5 ጹገተናን ደኢድ፥ ካሰ አየንቶ ማድቤናዌ፥ ታማይ ሚና ኤጽ ክቺደ አየንቶ ማደና።
6 “ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ታን ባዞ ምꬃ ግዶን ደእያ ዎይንያ አኑዋ ታማዉ ኦይሰꬆ ኦꬃደ እሜዳዋዳን፥ የሩሳላመን ደእያ አሳካ ሄዋዳን ኦꬃና።
7 ታን ታ ሶምኡዋ ኡንቱንቱ ቦላን ዛራና። ኡንቱንቱ እት ታማፐ ከሶፐካ፥ ሀራ ታማይ ኡንቱንታ ማና። ታን ታ ሶምኡዋ ኡንቱንቱ ቦላ ዛርያ ዎደ፥ ታን መꬍና ጎዳ ግድያዋ ህንተንቱ ኤራና።
8 ኡንቱንቱ ታናን አማነተናን አጌዳ ድራዉ፥ ታን ኡንቱንቱ ቢታ ኦና ከሳና። ታን ኡባ ሞድያ መꬍና ጎዳይ ሀዋ ኦዳይ’ ያጌ” ያጊደ ዬዳ።