Djisas kakameyana
16
(Matthew 28:1-8; Luke 24:1-12; John 20:1-10)
2 Djisas kayawela Friday. Sunday wekkana ngana warrwarra yakameyana barrangarrameba barrabena ngana nawalakirribba. Mardba barrabanjdjanga benjdjena Djisas. Barrangarrameba Mary Magdalene Salome Mary njabbarrarrabba James.
3-4 Barrabena barrangadjina njana barremala “Njukawara kakakaya barrabarra walekarra kóma ngurrumerbara ngana nawalakirribba.” Yalawa barrangarramebba barranana nawalekirribba. Njukawara kakakaya barrabarra walekarra.
5 Yalawa barrabena ngana barramabina nawalekerrba yalawa barranana yidja kakona ngana nakalaya kamarbina nganararrma marnburrba. Barrebba djanama barranarrbina.
6 Yidja kangadjina yiberra “Kóma djanamanurruwarrbaya. Nurrabba narrayana Djisas, Nazareth wibana, barradjorrka barrabanjdjanga ngana kurla malaya kayawala. Barrabanjdjanga ngana nawalakirribba. Djisas kakameyana. Kóma kunóra djiya. Barrukana, djiya ngana barrabadjanga. Nekkebba kóma kunóra djiba wiba.”