36
Esaú-e-wagan
(1 Crónicas 1:35-42)
1 Esaú, Edomʼye nugbalid. Esaú e-anagan nikusad.
2 Esaú Canaán-yargined-omegan-nikusadi, wemalad:
Gebesailagine, Ada-nikusad.
Adaʼde Elón-e-sisgwad, Het-duled.
Esaú, Aholibama-nikusbalid.
Aholibamaʼde Aná-e-sisgwad, Zibeón-e-wagwad. Zibeónʼde Heveo-duled.
3 Degine, Esaú, Basemat-nikusbalid.
Basematʼde Ismael-e-sisgwad, Nebaiot-e-bunad.
4 Esaú Canaán-yargi-maigu, machimala-nikusadi, wemalad:
Adaʼbo baksadid,
Elifaz.
Basematʼbo baksadid,
Reuel,
5 Aholibamaʼbo baksadid
Jeús, Jaalam, degi, Coré.
6 Esaú, e-omemar, e-masmala, e-bunamala, degi, bela eba-gudidimalad yar-baidse sesa gusad. Deyob, e-urba-Jacob-idu bangud gusad. Bela e-ibmar-durgan, degi, bela e-ibmar-Canaán-yargi-nikusad sesa gusad.
7 Ar Esaú, Jacob-ebo bela ibmar-durgan-ichesur-nikamarsoggu, geg ebo walikaa-gudii gumalad. Ar e-mamaidgine, ibmar-durgan mas-mamalaga napa unniguarsulid.
8 A-ulale, Esaú Seir-yalaganba megnad gusad. Esaúʼde, Edomʼye nugbalid.
9 Edom-dulemar-e-dadgan Seir-yalaganba bukwagusmalad. Wemala, Esaú-wagan gumalad.
10 Esaú-e-masmala weyob nugmalad:
Ada-e-machi-Elifaz.
11 Wemardi, Elifaz-e-masmala gumarmogad:
Temán, Omar, Zefo,
Gatam, degi, Cenaz.
12 Esaú-machi-Elifaz, ome-dikarbalid nikagusad, Timnaʼye nugad.
Elifaz Timnaʼbo machi-nikusad, Amalecʼye nugad.
Wemar, Ada-e-wagan-gumalad.
13 Reuel-e-masmaladi, wemalad:
Nahat, Zera,
Sama, degi, Miza.
Wemar, Esaú-ome-Basemat-e-wagan-gumalad.
14 Aholibama, Esaú-ome-baid gubalid.
Aholibamaʼde Aná-e-sisgwad, Zibeón-e-wagwad.
A-ome Esaúʼbo masmala-baksadi, wemalad:
Jeús, Jaalam, degi, Coré.
15 Esaú-e-wagan dule-idumaladga-gusmaladi, wemalad:
Esaú-machi-gebesailagined, Elifaz.
Elifaz-e-masmala dule-idumaladga-gusmarmogadi, wemalad:
Temán, Omar, Zefo, Cenaz,
16 Coré, Gatam, degi, Amalec.
Wemar, Elifaz-e-masmala, Edom-yalagangi dule-idumaladga gusmalad.
Bela wemar. Esaú-e-ome-Ada-wagan gumalad.
17 Esaú-machi-Reuel-e-masmala, dule-idumaladga-gusmarmogadi, wemalad:
Nahat, Zera,
Sama, degi, Miza.
Wemar, Reuelʼsik, Edom-yalagangi dule-idumaladga gusmarmogad.
Wemala, Basemat-wagan gumalad.
Basematʼde Esaú-e-ome-baid gued.
18 Esaú-ome-Aholibamaʼdi Aná-sisgwad.
Aholibama-e-masmala dule-idumaladga-gusmaladi, wemalad:
Jeús, Jaalam, degi, Coré.
19 Bela wemala, Esaú-e-wagan gumalad.
Esaúʼde, Edomʼye nugbalid.
Bela wemala, e-dulemar-idumaladga gusmalad.
20 Seir-e-masmala amba Edom-yalagi bukwa gusmarmogad.
Seirʼde, Horí-duled.
Seir-e-masmaladi, wemalad:
Lotán, Sobal,
Zibeón, Aná,
21 Disón, Ezer, degi, Disán.
Wemala, Seir-e-wagan, Edom-yalaganba Horí-dulemar-e-idumaladga gusmalad.
22 Lotán-e-masmala, wemalad:
Hori, Hemam.
Lotán-e-bundi, Timnaʼye nugad.
23 Sobal-e-masmaladi, wemalad:
Alván, Manahat,
Ebal, Sefo, degi, Onam.
24 Zibeón-e-masmaladi, wemalad:
Aja, degi, Aná.
We-Aná e-bab-Zibeónʼga nega-dulesulidganba moli-uayasuid-edarbedigu, dian-diopisulid amisad.
25 Aná mimmigan-warbo-nikusadi, wemalad:
Machigwa nugad, Disón.
Bunagwa nugad, Aholibama.
26 Disón-e-masmaladi, wemalad:
Hemdán, Esbán,
Itrán, degi, Querán.
27 Ezer-e-masmaladi, wemalad:
Bilhán, Zaaván, degi, Acán.
28 Disán-e-masmaladi, wemalad:
Uz, degi, Arán.
29 Horí-dulemar-e-dummaganga gusmaladi, wemalad:
Lotán, Sobal, Zibeón, Aná,
30 Disón, Ezer, degi, Disán.
Wemala, Seir-yalaganba Horí-dulemar-idumaladga e-gwenadgan-e-gwenadganba gusmalad.
Edom-yar-e-reymar
(1 Crónicas 1:43-54)
31 Israel-dulemar amba yoo rey-nikumargu, deun we-reymar Edom-yargi negsemai gusmalad.
32 Beor-machi-Belaʼye-nugadi, Edom-yargi reyga megisad.
E-neggweburga-gusadi, Dinabaʼye nugad.
33 Rey-Bela burgwisgua, a-sorba, Jobab negdaknonikid.
Jobabʼde, Zera-e-machid, Bosra-neggweburginedid.
34 Jobab burgwisgua, a-sorba, Husam negdaknonikid,
Husamʼde, Temán-yalaginedid.
35 Husam burgwisgua, a-sorba, Hadad negdaknonimogad.
Hadadʼde, Bedad-e-machid.
Hadad, Moab-yargi Madián-dulemargi nakwisad.
Hadad-e-neggweburga-gusadi, Avitʼye nugad.
36 Hadad burgwisgua, a-sorba, Samla negdaknonikid.
Samlaʼde, Masreca-neggweburginedid.
37 Samla burgwisgua, a-sorba, Saúl negdaknonikid.
Saúlʼde, Rehobotʼginedid.
Rehobot-neggweburde, Éufrates-diwar-gakaba siid.
38 Saúl burgwisgua, a-sorba, Baal-Hanán negdaknonikid.
Baal-Hanánʼde, Acbor-e-machid.
39 Acbor-machi-Baal-Hanán burgwisgua, a-sorba, Hadar negdaknonikid.
Hadar-e-omedi, Mehetabelʼye nugad.
Mehetabelʼde, Matred-e-sisgwad, Mezaab-e-wagwad.
Hadar-e-neggweburga-gusadi, Pauʼye nugad.
40 We-dulemar, Esaú-e-wagan-dummaganga gumalad. E-gwenadganmarba ilemakar danikid, e-yarmarba ilemakar danikid, degi, e-negmar-megismaladba ilemakar danikid. We, e-nugmalad:
Timna, Alva, Jetet,
41 Aholibama, Ela, Pinón,
42 Cenaz, Temán, Mibzar,
43 Magdiel, degi, Iram.
Wemala e-yargi bia-megismaladgi, Edom-dulemar-idumaladga gusmalad.
Esaúʼdi, Edom-dulemar-e-dad-sailad.
Esaúʼde, Edomʼye nugbalid.