134
Cheꞌ ɨ Tavástaraꞌ tyámuaꞌ tyimuaatyátoonyij
Cuíinarij ɨ maj jɨn huatyáajuꞌun
1 ¡Cheꞌréj, muaꞌaj mu siaj jahuɨɨreꞌ ɨ Tavástaraꞌ!
¡Néijmiꞌi xu muaꞌaj tyámuaꞌ tyeetyátoonyij ɨ Tavástaraꞌ,
mu siaj aꞌúu jeꞌrúꞌuj ɨ tyeyúujraꞌ tzajtaꞌ tɨꞌɨjta huariáꞌtɨcaꞌrej!
2 ¡Xaꞌajméjcaꞌtaxɨꞌ joꞌtɨj tyámuaꞌ tyejéꞌeen
siajta tyámuaꞌ tyeetyátoonyij aꞌɨ́jcɨ ɨ Tavástaraꞌ!
3 ¡Cheꞌ ɨ Tavástaraꞌ, ɨ tɨ jaatyátaahuacaꞌ ɨ tajapuá tɨ séejreꞌ ajta ɨ cháanacaj,
cheꞌ aꞌɨ́ɨn tyámuaꞌ tyimuaatyátoonyij aꞌájna ɨmuáj joꞌtɨj jáꞌsejreꞌ ɨ jɨríj Sión tɨ ántyapuaj!