120
Jeꞌej tyaj tyityeetyényuunyij aꞌɨ́jcɨ jɨmeꞌ tɨ jéehua jeꞌej puaꞌaj tyíꞌrɨcɨj
Cuíinarij ɨ maj jɨn huatyáajuꞌun
1 Nyatɨꞌɨjta jeꞌej tyéꞌnyamuaꞌajcaj, Tavástaraꞌ jimi nu huatyényuusij,
aꞌɨ́ɨ puꞌij naatájeevij.
2 Tavástaraꞌ, nyajapuáj paj huatányuunyij aꞌɨ́ɨjma jimi ɨ maj tyíꞌhueꞌtacaa
pajta aꞌɨ́jcɨ jimi ɨ nyanúrij tɨ hueꞌtzij jɨn tyíꞌxaj.
3 ¿Tyiꞌtanyí pajtáhuaꞌaj ancuriáaꞌsij, nyanúrij paj tyíꞌhueꞌtacaa?
4 ¡Ɨꞌrɨ́j tɨ huápuɨꞌɨj tyeꞌentyipityíijmee ɨ maj jɨn nyoꞌsii!
¡Ajta ɨ tɨꞌɨxcuáa tɨ huápuɨꞌɨj aꞌtáatɨmee!
5 ¡Cheꞌ jeꞌej tyíꞌnyahuɨɨreꞌej, nyaj aꞌyan aꞌyaa tyicheꞌ iiyeꞌej Mésec tɨꞌɨj ɨ tɨ séej chuéj japua jáꞌmaꞌcan
nyajta aꞌáa jaꞌhuányechejtyej joꞌmaj aꞌɨ́ɨmaj tyojoꞌtyáꞌɨnaamuaa ɨ Quedar maj jitze ajtyámaꞌcan!
6 Nuꞌríj áꞌtyeej nyaj aꞌáa jaꞌchej aꞌɨ́ɨjma tzajtaꞌ ɨ maj quee jaxɨeꞌveꞌ maj juxáahuaj huacháatɨmeꞌnyij;
7 ¡nyatɨꞌɨjta nyáaj aꞌɨ́jna xajtaj tyaj taxáahuaj huacháatɨmeꞌnyij, aꞌɨ́ɨ mu aꞌɨ́j huataxájta jeꞌej maj tyityeetyényoꞌseꞌen!