3
ឞ្រាសយេឆូ ជានឞាសទូហ្វេឞូនុយ្សរាវែនតីអ៝ន់ឞាស
(មថ ១២:៩-១៤; លក ៦:៦-១១)
1 ជេសរីឞ្រាសយេឆូ លាប់តាញីសរាបុនផូងអីឆ្រាអែល ទូតឹជឹត តានៃគែសទូហ្វេឞូក្លោរាវែនតីទូទីង។
2 ឞូអុចជ៝យនាវមានតោនឞ្រាសយេឆូ ងខេបលាសពាង់ជានឞាសឞូនុយ្សជីតានារឆាបាត់ យ៝រលាសខាន់ពាង់នតីតានាវវៃផូងអីឆ្រាអែល មោអ៝ន់អោសជានឞាសឞូនុយ្សជីតានារឆាបាត់ នទ្រីទឹងខាន់ពាង់អ្វាញ់ជឹតពាង់លែរងែរងាន់។
3 ជេសរីឞ្រាសយេឆូ លាសមាឞូក្លោអីនៃ៖ “ហើយអ៝ស មៃទ៝ក់ហ៝ម់ ហាន់ទ៝ក់ឞើសនាប់ឞូត៝!”
4 ជេសរីឞ្រាសយេឆូ លាសមាមពោលអីក៝ប់អ្វាញ់ពាង់៖ “គ៝ប់អោបខាន់មៃ តឹងនាវវៃផូងឞ៝ន់តានារឆាបាត់ ឞូនុយ្សទើយជាននទើអ្វែសមោលាសនទើអ្យើស? ទើយរាក្លាយ្សនាវរេសឞូនុយ្សមោលាសងខឹតពាង់?” ទឹងលែៈខាន់ពាង់គុអ្យាត់ឆាក់រាក់ក្លាក់។
5 ឞ្រាសយេឆូ អ្វាញ់ទឹងលែៈឞូនុយ្សអីគុតានៃ ពាង់ជីនូយ្សរាង៝តអេងឆាក់ពាង់នើម ឆៃខាន់ពាង់ទាង់ក៝មោគែសនាវតឹមយោៈ។ ជេសរីពាង់លាសមាឞូក្លោអីរាវែនតីនៃ៖ “ល៝ង់មៃរ៝កតីមៃនៃហ៝ម់!” ជេសរីពាង់រ៝កតីពាង់ឞាសកើតអើមដ៝ង់។
6 ជេសរីផូងផារីឆី អីគុតានៃលោសរុចព្លុចឞើសញីសរាបុននៃ ហាន់ឞ្រ៝ង់តឹមញច្រាៈដាសឞាល់មពោលហេរោត-អ៝ន់តីពាស រ៝ គៃមាជ៝យនាវមើមទឹងគែសងខឹតឞ្រាសយេឆូ ។
អ៝ក់ផូងប៝នលានតឹងឞ្រាសយេឆូ
7 ជេសរីឞ្រាសយេឆូ លោសឞើសនតុកនៃហាន់តាងលៅក្វ៝ង់កាលីលេ នទ្រែលមពោលអ៝សម៝នពាង់។ គែសអ៝ក់ផូងប៝នលានហាន់តឹងពាង់ ផូងអីនៃតាៈឞើសឞ្រីកាលីលេ ឞើសឞ្រីយូដា
8 ឞើសប៝នក្វ៝ង់យេរូឆាលឹម ឞើសឞ្រីអីដូមេ ឞើសកាល់តីទាករាលាយយោរដាន់ ឞើសអាប់នតុកជុមប៝នក្វ៝ង់តីរុស នទ្រែលមាឞើសអាប់នតុកជុមប៝នក្វ៝ង់ឆីដោន ។ នទ្រីទឹងអ៝ក់ងាន់ឞូនុយ្សហាន់វាច់អាពាង់នៃ យ៝រលាសតាង់ឞូមឞើសងក៝ចទឹងលែៈនាវពាង់ជាននើស។
9 ឆៃអ៝ក់អីរប៝នលាននៃឞ្រាសយេឆូ ដាៈមពោលអ៝សម៝នពាង់នទ្រាប់ទូមល៝ម់ទូកអ៝ន់មាពាង់ ក្លាចលាសផូងប៝នលានរុនមពែតពាង់។
10 លែៈជេសពាង់ជានឞាសឞូនុយ្សជីអ៝ក់ងាន់ នទ្រីទឹងឞូនុយ្សអេងៗអីគែសនាវជីញឆ្រោយ្សចុលហាន់ទាច់ៗ អុចពាសឞ្រាសយេឆូ គៃមាឞាសនាវជីខាន់ពាង់នើម។
11 ត៝ត់ផូងឞូនុយ្សអីគែសឞ្រាសអ្យើសគុតាខាន់ពាង់ឆៃឞ្រាសយេឆូ ខាន់ពាង់ពាន់តាឞើសនាប់ឞ្រាសយេឆូ រ៝ នអ៝ប់មានតែរ៖ “មៃអីក៝នកោរាញឞ្រាស!”
12 ជេសរីឞ្រាសយេឆូ មឞ្រាម មោអោសអ៝ន់ខាន់ពាង់មឞើសងក៝ចមាឞូគឹតនាល់ពាង់អីក៝នកោរាញឞ្រាស។
ឞ្រាសយេឆូ កើយ្ស ១២ នុយ្សមពោលអ៝សម៝ន
(មថ ១០:១-៤; លក ៦:១២-១៦)
13 ឞ្រាសយេឆូ លែៈហាវកាលើយោក ជេសរីពាង់ក្វាល់ជាៈឞូនុយ្សអីពាង់អុចហាន់នទ្រែលពាង់ ជេសរីខាន់ពាង់អីនៃហាន់តឹងពាង់តារី។
14 ឞើសមពោលអីនៃពាង់កើយ្ស ១២ នុយ្ស ពាង់ក្វាល់ខាន់ពាង់ «កោរាញអ៝សម៝ន»។ មពោលអីនៃគៃមាគុនទ្រែលពាង់នើម អ៝ន់ខាន់ពាង់មឞើសងក៝ចនាវពាង់អ៝ន់មាឞូ
15 នទ្រែលមាអ៝ន់ខាន់ពាង់គែសនាវទើយ ទើយមព្រើសឞ្រាសអ្យើសដ៝ង់។
16 មពោល ១២ នុយ្សនៃ តានៃគែសឆីមោន អីឞ្រាសយេឆូ តេៈរាញាមហែពាង់ពេត្រោស
17 គែសឞារហៃអ៝សនោអីក៝នឆេបេដេ រាញាយាកើ នទ្រែលមាយោហាន ។ ឞារហៃខាន់ពាង់អីនៃឞ្រាសយេឆូ ទែតេៈរាញា «បោអានេរកេ » រាឞ្លាងនាវអីនៃ «ក៝ននតែសនត៝រ់ងលាយ្ស»។
18 គែសរាញាអ៝ន់ទ្រេ រាញាផីលីប រាញាបារថោលោមេ រាញាមាថាយ រាញាថោមាស រាញាយាកើ អីក៝នអាល់ផាយ រាញាថាដេ រាញាឆីមោន អីឞូក្វាល់«គើយ្ស»
19 នទ្រែលមារាញាយូដាស-អីឆាការីយោត អីឞូនុយ្សលែវឞូហាន់ញុបឞ្រាសយេឆូ ។
ផូងឞាល់មពោលឞ្រាសយេឆូ អុចឆ៝ៈពាង់ឆឹត
20 ជេសរីឞ្រាសយេឆូ ហាន់គុតាទូមល៝ម់ជៃ ត៝ត់តានៃគែសឞូនុយ្សវាច់តៃតារី លើមាអ៝ក់លើមាអ៝ក់ងាន់។ ល៝ង់ពាង់ នទ្រែលមាមពោលអ៝សម៝នពាង់មោអោសហ៝ចឆោងឆា។
21 ជេសផូងឞាល់មពោលពាង់តាង់ឞូទែងក៝ចនាវអីនៃ ឞូលាសដ៝ង់៖ “ហឺស មោហោមអោសគឹតឆាក់ពាង់រី”។ នទ្រីទឹងខាន់ពាង់ជាៈឞាល់ហាន់ឆ៝ៈពាង់។
ឞ្រាសយេឆូ ឞូលាសឞ្រាសបេលឆេបូល
(មថ ១២:២២-៣២; លក ១១:១៤-២៣; ១២:១០)
22 ល៝ង់អីផូងនើមនតីនាវវៃផូងអីឆ្រាអែល អីតាៈឞើសប៝នយេរូឆាលឹម រីហាន់ត៝ត់តានៃ ខាន់ពាង់លាស៖ “ឞូនុយ្សអីនៃគែសឞ្រាសអ្យើសបេលឆេបូល គុតាឆាក់ពាង់។ យ៝រលាសអីកោរាញមពោលឞ្រាសអ្យើសអ៝ន់នាវទើយតាពាង់ ទឹងពាង់ទើយមព្រើសឞ្រាសអ្យើស”។
23 ឞ្រាសយេឆូ ក្វាល់ផូងនើមនតីនៃហាន់ទាច់អាពាង់ ជេសរីលាសមានាវងើយនតឹត៖ “មើមឞ្លាវឆាតាង់ អីកោរាញមពោលឞ្រាសអ្យើសមព្រើសឆាក់ពាង់នើម?
24 លាសតាទូឞ្រីផូងប៝នលានពាង់តឹមល៝ក់តឹមជាញចាសច្រាយឞាល់ ឞ្រីអីនៃមោហោមអោស។
25 មោលាសតាទូរានាក់វ៝ល់គែសតឹមល៝ក់តឹមជាញឞាល់នឹងនែង រានាក់វ៝ល់អីនៃរ៝សហេងមោហោមដ៝ង់។
26 លាសគែសឆាតាង់ តឹមល៝ក់តឹមជាញនទ្រាង់ពាង់នើម ពាង់មោទើយអោសគុន៝ប់ រ៝សហេងរ៝។
27 មោគែសអោសឞូនុយ្សទើយហាន់តាជៃឞូនុយ្សទាង់ ជេសរីនតុងទ្រាប់នទើពាង់។ អ៝ន់ញុបក៝ត់ល៝រឞូនុយ្សអីនៃប៝ត់ រីមើទើយនតុងទឹងលែៈទ្រាប់នទើតាជៃពាង់។
28 គ៝ប់លាសនហេលនានេៈងាន់មាខាន់មៃ ទឹងលែៈនទើឞូនុយ្សជានតីស នទ្រែលមាលាសមឺចរាម៝តកោរាញឞ្រាស កោរាញឞ្រាសហោមយោៈទាទេ។
29 តីសមាឞូម៝សអីលាសមឺចរាម៝តឞ្រាសហ្វេងអ្វែសអីក្ល៝សអ្វែសរី មោអោសកោរាញឞ្រាសយោៈមាពាង់ ពាង់អីនៃគែសទោយ្សនហ៝រ៝មោឞ្លាវឞាស”។
30 នទ្រីទឹងឞ្រាសយេឆូ ងើយកើតនៃ អាចខាន់ពាង់លាសពាង់គែសឞ្រាសអ្យើសគុតាឆាក់ពាង់។
ផូងអ៝សនោងាន់ឞ្រាសយេឆូ
(មថ ១២:៤៦-៥០; លក ៨:១៩-២១)
31 ជេសរីមេៈឞ្រាសយេឆូ នទ្រែលមាអ៝សឞូក្លោពាង់ ហាន់ត៝ត់តាជៃឞ្រាសយេឆូ គុនតុមនតីនៃ។ ខាន់ពាង់គុឞើសទីសរី ជេសរីដាៈឞូមឞើសពាង់ហាន់ម៝ប់ខាន់ពាង់។
32 ផូងប៝នលានអីគុជុមឞ្រាសយេឆូ រីមឞើសពាង់៖ “ហើយនើមនតី មេៈមៃ នទ្រែលមាអ៝សឞូក្លោមៃគុក៝ប់ឞើសទីសត៝ អុចម៝ប់មៃមេៈ!”
33 ជេសរីឞ្រាសយេឆូ អើសមាខាន់ពាង់៖ “ឞូម៝សមេៈគ៝ប់? ឞូម៝សអ៝សនោគ៝ប់?”
34 ជេសរីពាង់អ្វាញ់ឞូនុយ្សអីគុជុមពាង់ពាង់លាស៖ “ឞូនុយ្សអីគុតាអ្យាគ៝ប់ក្វាល់មេៈគ៝ប់ អ៝សនោគ៝ប់។
35 ឞូម៝សអីអ្យាត់តឹងនាវកោរាញឞ្រាសអុច ពាង់អីនៃអ៝សនោគ៝ប់ នទ្រែលមាមេៈគ៝ប់”។