3
ឞ្រាសយេឆូ ក្វ៝ង់រាលាវមាមោឆេ
1 អើផូងអ៝សនោតានាវញឆីងអីប៝នលានកោរាញឞ្រាសអីលែៈកោរាញឞ្រាសទែកើយ្សជេសនទ្រែលហេន អ៝ន់ខាន់អៃមៃមឹនហ៝ម់មាឞ្រាសយេឆូ អីឞ៝ន់មឞើសងក៝ច។ កោរាញឞ្រាសលែៈដាៈពាង់ហាន់តានែសនតូអ្យានើស ពាង់ជេងកោរាញជានឞ្រាសទុតក្វ៝ង់ដ៝ង់។
2 ជេសកោរាញឞ្រាសកើយ្សឞ្រាសយេឆូ ឞ្រាសយេឆូ ជានតឹងនាវពាង់ដាៈអ៝ន់រាប់ជាប់ តឹមឞានមាមោឆេ ជានការរាប់ជាប់តឹងនាវកោរាញឞ្រាសដាៈតាទឹងលែៈប៝នលានកោរាញឞ្រាសដ៝ង់។
3 យើនមាទីលឺឞ្រាសយេឆូ រាលាវមាលឺមោឆេ តឹមឞានមាឞូលឺឞូនុយ្សអីជានជៃរាលាវមាលឺអ្វែសអីជៃនៃដ៝ង់។
4 ទឹងលែៈរាងោចញីសជៃគែសឞូនុយ្សនាក់ជាន យើនមាទឹងលែៈរាងោចនទើនើសជេងតាៈឞើសកោរាញឞ្រាសទាទេជាន។
5 នាវមោឆេ ជានការជេងនាវនតឹតមានាវខ្លៃអីកោរាញឞ្រាសអ៝ន់ឞូនុយ្សគឹតវ៝ត់អាបៃអ្យា ពាង់ម៝ត់អ្វាញ់ផូងប៝នលានកោរាញឞ្រាសរាប់ជាប់ យ៝រលាសជេងឞូនុយ្សឆើមកើលជានការមាកោរាញឞ្រាស។
6 ល៝ង់ឞ្រាសក្រីស ពាង់ម៝ត់អ្វាញ់ផូងប៝នលានកោរាញឞ្រាសរាប់ជាប់ យ៝រលាសជេងក៝នកោរាញឞ្រាស។ ជេសរីឞ៝ន់ជេងផូងប៝នលានកោរាញឞ្រាសលាសឞ៝ន់ហោមគែសនូយ្សនហ៝ម់ន៝ប់ នអ៝ប់មាញអោតន៝ប់រាក៝ក់នាវរានើមមាទឹងលែៈនាវអីកោរាញឞ្រាសទែលែៈត៝ន។
លើយតាមអារ់នាវញឆីង
7 តានាវកោរាញឞ្រាសងើយគែសញចីសនាវឞ្រាសហ្វេងអ្វែសអីក្ល៝សអ្វែសលាសមាផូងអីឆ្រាអែល កើតនអា៖
«នារអ្យា នោកខាន់អៃមៃតាង់ឞ៝រ់មឞូងកោរាញឞ្រាសនើម
8 លើយអោសគែសនូយ្សនហ៝ម់ទាង់ក៝ កើតផូងអូចែខាន់អៃមៃជាន ជេសរីតឹមរាទ៝ង់ដាសកោរាញឞ្រាស
នោកកោរាញឞ្រាសរាល៝ងខាន់ពាង់តាឞ្រីរាទាសនើស។
9 កោរាញឞ្រាសលាស៖ «តានតុកអីនៃផូងអូចែខាន់អៃមៃរាល៝ងគ៝ប់
ឞ៝លលាសខាន់ពាង់លែៈឆៃទឹងលែៈនាវខ្លៃគ៝ប់ជាន
10 ជ៝ៈគែស ៤០ នាម់នើស។
កើតនទ្រីទឹងគ៝ប់ជីនូយ្សតេៈទោយ្សមាឞូនុយ្សរានោកអីនៃ
ជេសរីគ៝ប់លាសកើតនអា៖ «នូយ្សនហ៝ម់ខាន់ពាង់ទូងាយមរ៝ឞើសត្រ៝ងគ៝ប់
ខាន់ពាង់មោអោសគឹតនាល់ត្រ៝ងគ៝ប់នើម»
11 នទ្រីទឹងគ៝ប់ជីនូយ្សមាខាន់ពាង់ ជេសរីត៝នលាស៖
«ខាន់ពាង់មោអោសមរាលាប់តានាវគុរាលូគ៝ប់នើម»»»។
12 អើអ៝សនោតានាវញឆីង លាសនទ្រីអ៝ន់ខាន់អៃមៃគុញជ្រាង់ហ៝ម់ គៃមាលើយអោសគែសឞូនុយ្សតាផូងខាន់អៃមៃគែសនូយ្សនហ៝ម់អ្យើសមហឹក មោអោសញឆីង នហ៝មាមអារ់លើយកោរាញឞ្រាសអីរេសងាន់។
13 យើនមាអ៝ន់ខាន់អៃមៃតឹមនត្រោលនទ្រាង់នើមអាប់នារ នោកអីឞ៝ន់ហោមក្វាល់លាស«នារអ្យា» នោកហោមទើយរាគ៝ល់នូយ្សនហ៝ម់ គៃមាលើយអោសអ៝ន់តាផូងខាន់អៃមៃគែសឞូនុយ្សនូយ្សនហ៝ម់ទាង់ក៝មោអុចអ្យាត់នាវកោរាញឞ្រាស យ៝រមាមរោសអេងតានូយ្សនហ៝ម់៖ “មោច្រាវអោសលាសជានតីស”។
14 លាសឞ៝ន់ហោមញអោតន៝ប់នាវញឆីងកើតអើម កើតអីឞ៝ន់គែសឞើសនតើមឞ៝ន់ឆឹតញឆីងនើសនហ៝មាត៝ត់លោច លាសនទ្រីឞ៝ន់មរាគុនទ្រែលឞ្រាសក្រីស រ៝។
15 តានាវកោរាញឞ្រាសងើយលាសកើតនអា៖
«នោកតាង់កោរាញឞ្រាសដាៈនាវមាខាន់អៃមៃនារអ្យា អ៝ន់ខាន់អៃមៃអ្យាត់នាវពាង់ទោ លើយអោសគែសនូយ្សនហ៝ម់ទាង់ក៝កើតនោកផូងអូចែខាន់អៃមៃតឹមរាទ៝ង់ដាសកោរាញឞ្រាសនើស»។
16 ផូងអីលែៈតាង់ជេសនាវកោរាញឞ្រាសដាៈតានារអីនៃនើស នអ៝ប់មាហោមតឹមរាទ៝ង់ដាសពាង់ ទឹងលែៈផូងអីនៃជេងផូងអីមោឆេ ទែលែវលោសឞើសឞ្រីអេឆីប នើស។
17 យើនមាតា ៤០ នាម់នៃ ឞូម៝សអីកោរាញឞ្រាសជីនូយ្ស? អើមមោទីបាសទឹងលែៈផូងអីជានតីសមាកោរាញឞ្រាស ជេសរីអីខឹតមឞ្រាចតាឞ្រីរាទាស?
18 ជេសរីនោកនៃនើស ឞូម៝សអីកោរាញឞ្រាសលែៈលាសមោអ៝ន់លាប់គុតាឞ្រីទាកអីពាង់លែៈត៝នអ៝ន់លាប់អាល៝រនើស គៃមាគុរាលូនទ្រែលពាង់នើម? អើមមោទីបាសផូងអីមោអុចអ្យាត់នាវពាង់?
19 លាសនទ្រីឞ៝ន់ឆៃ ផូងអីនៃមោអោសទើយលាប់ យ៝រលាសខាន់ពាង់មោញឆីងមាពាង់។