5
1 ឞ៝ន់លែៈគឹតជេស ឆាក់ជាន់ឞ៝ន់តានែសនតូអ្យាតឹមឞានមាចូនអីជានមាឞ៝កនតុកវែសគុទើម យើនមានោកឞ៝ន់ខឹតឞ៝ន់មរាគែសឆាក់ជាន់មហែតាប៝នអ្វែស ជេងតឹមឞានមាជៃអីហោមនហ៝រ៝ មោអោសជានមាតីឞូនុយ្ស យើនមាជានមាតីកោរាញឞ្រាសនើម។
2 តានែសនតូអាបៃអ្យាឞ៝ន់ហោងាន់វើលអុចគែសឆាក់ជាន់អីមរាគែសតាប៝នអ្វែស អុចរាគ៝ល់ឆាក់ជាន់មហែ តឹមឞានមារាគ៝ល់ខ៝អាវអើមញឆ៝សខ៝អាវមហែ
3 យ៝រលាសឞ៝ន់មរាគែសឆាក់ជាន់មហែ មោអោសតឹមឞានមាគុឆាក់កុស។
4 នោកហោមអែគែសឆាក់ជាន់តានែសនតូអ្យាឞ៝ន់ហោមវើលងាន់ យ៝រលាសហោមគែសនាវជេរជ៝ត់។ យើនមាឞ៝ន់មោអុចអោសខឹតនហ៝មារ៝សឆាក់ជាន់ ឞ៝ន់អុចគែសឆាក់ជាន់មហែ គៃមាឆាក់ជាន់អីឞ្លាវខឹតអ្យារាគ៝ល់ជេងឆាក់ជាន់អីរេសនហ៝រ៝ តឹមឞានមានទើរេសងាន់រាង្វាន់នទើឞ្លាវខឹត។
5 កោរាញឞ្រាសនើមញជេងឞ៝ន់គៃមាគែសនាវរាគ៝ល់កើតនៃ ជេសរីពាង់នើមដ៝ង់អីលែៈអ៝ន់ឞ្រាសហ្វេងអ្វែសគុតាឞ៝ន់តឹមឞានមានទើញចាម់ គៃមាគឹតនាវអីនៃមរាគែសងាន់រ៝។
6 នទ្រីទឹងឞ៝ន់ហោមគែសនូយ្សនហ៝ម់ញឆីងន៝ប់បាបើងាន់។ ឞ៝ន់គឹតនហេលជេស នោកឞ៝ន់ហោមគែសឆាក់ជាន់អ្យា ឞ៝ន់អេហ៝ៈគុតាប៝នអ្វែសនតុកកោរាញយេឆូ។
7 អាបៃអ្យាឞ៝ន់គុរេសមានាវញឆីង មោអោសទីគុរេសមានទើអ្វាញ់ឆៃ។
8 ឞ៝ន់គែសនូយ្សនហ៝ម់ញឆីងន៝ប់ងាន់ ជេសរីឞ៝ន់អុចលោសឞើសឆាក់ជាន់អ្យា អ្វែសរាលាវហាន់គុតាប៝នអ្វែសនទ្រែលកោរាញយេឆូ។
9 កើតនទ្រីទឹងឞ៝ន់ញឆ្រោយ្សតឹងជ៝យអ៝ន់ទីនូយ្សនហ៝ម់ពាង់ ឞ៝លលាសហោមអែគុតាឆាក់ជាន់អ្យា មោលាសលោសឞើសឆាក់ជាន់អ្យាកាដោយ
10 យ៝រលាសទឹងលែៈឞ៝ន់មោអោសទើយទែរគុឞើសនាប់នតុកឞ្រាសក្រីស នើមផាតទោយ្ស គៃមាទឹងលែៈឞ៝ន់គែសព្លៃអីតាៈឞើសឞ៝ន់នើមជាននោកហោមគុតាឆាក់ជាន់អ្យា ឞ៝លលាសនទើអ្វែស មោលាសនទើអ្យើសកាដោយ។
នាវរ៝ង់ឞ្រាសក្រីស
11 យ៝រមាហេនលែៈនាល់នាវក្លាចយើកមាកោរាញយេឆូ ហេនញឆ្រោយ្សមឞើសងក៝ចមាឞូនុយ្សអ៝ន់ញឆីងមាពាង់ដ៝ង់។ កោរាញឞ្រាសលែៈគឹតនាល់នូយ្សនហ៝ម់ហេន ជេសរីគ៝ប់រានើមខាន់អៃមៃគឹតនាល់នូយ្សនហ៝ម់ហេនដ៝ង់។
12 នទើអីអ្យាមោអោសទីហេនរានេអេងឆាក់ហេននើម យើនមាហេនអ៝ន់ខាន់អៃមៃគែសនាវងើយអ្វែសមាហេន គៃមាខាន់អៃមៃឞ្លាវអើសដាសមាមពោលអីងើយមោអ្វែសមាហេន មពោលអីនៃកើបខ្លៃនាវតាកាលើនតោទើម មោអោសកើបខ្លៃនាវតាត្រោមនូយ្សនហ៝ម់។
13 លាសហេនជេងតឹមឞានមាឞូនុយ្សត្រើយ ហេនត្រើយគៃមាគែសនាវខ្លៃមាកោរាញឞ្រាស លាសហេនជេងនាវមឹនអ្វែស ហេនជេងនាវមឹនអ្វែសនៃគៃមាគែសនាវខ្លៃមាខាន់អៃមៃ។
14 ទឹងលែៈនទើហេនជាន យ៝រលាសនាវរ៝ង់ឞ្រាសក្រីស នត្រោលហេន។ ហេនអ្យាត់ងាន់គែសទូហ្វេឞូនុយ្សលែៈខឹតនត្រ៝ៈអ៝ន់មាទឹងលែៈឞូនុយ្ស លាសនទ្រីទឹងលែៈឞូនុយ្សតឹមឞានមាខឹតទាទេដ៝ង់ មោហោមខាច់អោសឆ៝ៈទើននាវតេៈទោយ្សយ៝រមានាវតីស។
15 ឞ្រាសក្រីស លែៈខឹតជេសមាទឹងលែៈឞូនុយ្ស គៃមាឞូម៝សអីគុរេស មោអោសរេសមាឆាក់ពាង់នើម យើនមារេសមានើមអីលែៈខឹតមាពាង់ ជេងនើមអីទ៝ក់រេសនៃហ៝ៈ។
16 នទ្រីទឹងនតើមឞើសអាបៃអ្យាហេនមោហោមអោសអ្វាញ់ឞូនុយ្សកើតឞូនុយ្សអីមោគឹតនាល់កោរាញឞ្រាស។ ឞើសនតើមនើសហេនមោអោសកើបខ្លៃឞ្រាសក្រីស កើតទឹងលែៈឞូនុយ្សអីមោគឹតនាល់កោរាញឞ្រាសដ៝ង់ យើនមាអាបៃអ្យាហេនមោអោសហោមកើបពាង់កើតនៃ។
17 ឞូម៝សលែៈគុតឹមរាង្លាប់នទ្រែលឞ្រាសក្រីស ឞូនុយ្សអីនៃលែៈកោរាញឞ្រាសញជេងមហែ ទឹងលែៈនទើអើមលែៈរាគ៝ល់ជេងមហែទាទេ។
18 ទឹងលែៈនាវអីនៃជេងតាៈឞើសកោរាញឞ្រាសនើម ពាង់តឹមឞ៝សតឹមឞ្លាយឞ៝ន់អ៝ន់តឹមទីមាពាង់នើម យ៝រមានទើឞ្រាសក្រីស លែៈជាន ជេសរីពាង់អ៝ន់ឞ៝ន់ជានការនាក់កើលតឹមឞ៝សតឹមឞ្លាយអ្យាគៃមាអ៝ន់ឞូនុយ្សតឹមទីដាសពាង់នើមដ៝ង់។
19 តាឞ្រាសក្រីស កោរាញឞ្រាសតឹមឞ៝សតឹមឞ្លាយទឹងលែៈឞូនុយ្សអ៝ន់តឹមទីដាសពាង់នើម ពាង់មោអោសក្លាប់នទាង់នាវតីសឞូនុយ្ស។ ជេសរីពាង់អ៝ន់ហេនមឞើសងក៝ចនាវតឹមឞ៝សតឹមឞ្លាយអីនៃមាឞូដ៝ង់។
20 លាសនទ្រីហេនអ្យាជេងឞូនុយ្សអីឞ្រាសក្រីស ដាៈហាន់ ជេងឆើមនតាងមាពាង់នើម ជេងតឹមឞានមាកោរាញឞ្រាសងើយមាខាន់អៃមៃតានាវងើយហេន។ ហេនទាន់ខាន់អៃមៃហោងាន់តឹមឞានមាឞ្រាសក្រីស នើមទាន់ខាន់អៃមៃកើតនអា៖ អ៝ន់ខាន់អៃមៃគុតឹមឞ៝សតឹមឞ្លាយនទ្រែលកោរាញឞ្រាស!
21 ឞ្រាសក្រីស មោអោសគែសនាវតីស យើនមាកោរាញឞ្រាសកើបពាង់គែសនាវតីស ជេសរីកោរាញឞ្រាសតេៈទោយ្សពាង់ គៃមានត្រ៝ៈឞ៝ន់ នទ្រីកោរាញឞ្រាសទើយកើបឞ៝ន់លែៈឆ៝ង់ យ៝រមាឞ៝ន់ញឆីងមាឞ្រាសក្រីស ។