8
នទើអោបឞ្រាស
1 អាបៃអ្យាទាន់មឹនមាព្វាច់អីឞូលែៈជេសអោបឞ្រាសនៃ។ ឞ៝ន់លែៈគឹតជេស ទឹងលែៈឞ៝ន់គែសនាវគឹតវ៝ត់ តីសមានាវគឹតវ៝ត់ជានអ៝ន់កើបអេងឆាក់នើមក្វ៝ង់គឹតឞ្លាវរាលាវឞូ យើនមានាវរ៝ង់មោអោសកើតនៃ នាវរ៝ង់ជានអ៝ន់តឹមកើលរាទ៝ក់ញជេង។
2 លាសគែសទូហ្វេឞូនុយ្សមឹនអេងឆាក់ពាង់នើមលាសលែៈគឹតវ៝ត់នាវជេស លាសនទ្រីពាង់អីនៃអេហ៝ៈអោសគឹតវ៝ត់ងាន់។
3 ជេសរីឞូម៝សអីរ៝ង់មាកោរាញឞ្រាស កោរាញឞ្រាសគឹតនាល់ពាង់អីនៃដ៝ង់។
4 លាសនទ្រីមានាវឆោងឆានទើអោបឞ្រាស ឞ៝ន់លែៈគឹតជេសឞ្រាសអេងតាកាលើត្រោកតានែសនតូអ្យាមោអោសគែសនាវខ្លៃ គែសទូហ្វេកោរាញឞ្រាសនើមទើមគែសនាវខ្លៃ។
5 ឞ៝លលាសគែសនទើអីឞូនុយ្សទែកើបលាសឞ្រាសតាកាលើត្រោក មោលាសតានែសនតូអ្យាកាដោយ ឞ៝លលាសគែសអ៝ក់នទើឞូកើបលាសឞ្រាស កើបលាសកោរាញ
6 យើនមាឞ៝ន់គែសទូហ្វេទើម កោរាញឞ្រាសអីឞឹឞ៝ន់។ ពាង់លែៈញជេងទឹងលែៈនតីលនទើ ជេសរីឞ៝ន់អ្យាគុរេសគៃមាគែសនាវខ្លៃមាពាង់នើម។ នទ្រីឞ៝ន់គែសទូហ្វេកោរាញទើម ជេងឞ្រាសយេឆូក្រីស ។ ទឹងលែៈនទើគែសយ៝រមាតាៈឞើសពាង់ ជេសរីឞ៝ន់គែសនាវរេសជេងយ៝រមាតាៈឞើសពាង់ដ៝ង់។
7 យើនមាមោអោសគែសទឹងលែៈឞូនុយ្សគឹតវ៝ត់នាវអីនៃ។ ឞូនុយ្សអាបាៈនូយ្សនហ៝ម់ហោមអែមឹនមាឞ្រាសអេងៗអីនៃ ខាន់ពាង់ឆាព្វាច់អោបឞ្រាសតឹមឞានមាហោមអែអោបឞ្រាសដ៝ង់ យ៝រលាសនូយ្សនហ៝ម់ខាន់ពាង់មឹនហោមរាអ្យា ជានអ៝ន់ខាន់ពាង់មឹនរាវៃខាន់ពាង់លែៈជានតីស។
8 យើនមាមោអោសយ៝រមានទើឆោងឆាកោរាញឞ្រាសរាម់មាឞ៝ន់។ លាសឞ៝ន់មោឆាក៝ៈពាង់មោរាម់រាលាវមាឞ៝ន់ លាសឞ៝ន់ឆាក៝ៈពាង់មោរាម់រាលាវមាឞ៝ន់ដ៝ង់។
9 យើនមាអ៝ន់ញជ្រាង់ ក្លាចលាសនាវទើយអីខាន់អៃមៃទើយឆានៃជានអ៝ន់ផូងអីរាអ្យាតានាវញឆីងគែសនាវរាវៃតានូយ្សនហ៝ម់ច្រាវ។
10 លាសគែសទូហ្វេឞូនុយ្សអីរាអ្យាតានាវញឆីងឆៃខាន់អៃមៃគុឆោងឆានទើអោបឞ្រាសតាជៃនតុកអោបឞ្រាស លាសនទ្រីនាវអីនៃលែវពាង់ឆោងឆានទើអោបឞ្រាសដ៝ង់ ឞ៝លលាសតានូយ្សនហ៝ម់ពាង់ហោមមឹននទើអីនៃជេងតីស។
11 លាសនទ្រីឞូនុយ្សរាអ្យាអីញឆីងមាឞ្រាសក្រីស អីនៃរ៝សហេងយ៝រមាតាៈឞើសនាវខាន់អៃមៃគឹតវ៝ត់ យើនមាឞ្រាសក្រីស លែៈខឹតតឹមនតាងមាពាង់ដ៝ង់។
12 លែៈតីសជេស លាសខាន់អៃមៃជានតីសអ៝ន់មាអ៝សនោអីញឆីងរាអ្យាជានអ៝ន់ពាង់រាង៝តរាវៃតានូយ្សនហ៝ម់។ នទើអីនៃខាន់អៃមៃលែៈជានតីសមាឞ្រាសក្រីស ដ៝ង់។
13 កើតនទ្រីលាសគែសទូនតីលនទើឆោងឆាអីជានអ៝ន់ទូហ្វេអ៝សនោតានាវញឆីងគែសជានតីស គ៝ប់មោហោមអុចអោសឆាព្វាច់នហ៝រ៝ គៃមាលើយអ៝ន់ទូហ្វេអ៝សនោតានាវញឆីងគែសជានតីស។