123
Lesal yic c'anoj vach'c'olal d'a Dios
Sb'it eb' israel ayic van sq'ue eb' d'a sb'eal Jerusalén.
1 Mamin Jehová, Yajal ach d'a satchaan̈, tzin q'ue q'uelan d'ayach ayic ay tas snib'ej in c'ool.
2 Mamin, a d'ayach tzon̈ och q'uelan, icha val yoch q'uelan vin̈ checab' d'a spatrón, ma icha val yoch q'uelan ix criada d'a ix spatrona. Ach co Diosal, van co maclan yoc' a c'ool d'ayon̈.
3 Mamin Jehová, oc'oc val a c'ool d'ayon̈. Oc'ocab' a c'ool d'ayon̈, yujto maxtzac techajlaj cuuj b'aj tzon̈ paticajcaneli.
4 Tzon̈ tzactzaj yuj sb'uchval eb' b'eyum yed' b'aj tzon̈ spatiquejel eb' ac'umtac syutej sb'a.