15
Yaubada ena Yali Abelam Lisina yai
Aba Fatubu 15:1-21
1 Muli yai habahim, Yaubada eno suwai yai ya libalau Abelam lisina, iyen,
Tabu u ꞌwasabu, Yau haba E bobodiyem, yo maisam haba ya laꞌi.
2 Na Abelam iyen,
Aee–, Yaubada Hewa Wananaha Guyauna, hola hige natugu na somo haba wa felegu? Yena E peꞌi, egu tau paisowa Damaseko dogana, Eliyesi mate, doha natugu be haba egu ginauli mahudoꞌidi ya abidi!
3 Na Abelam ya liba fuyo, iyen,
Um hige natugu laꞌi u felegu. Lisina yai egu tau paisowa haba egu ginauli mahudoꞌidi ya abidi.
4 Guyau ya libalau Abelam lebena iyen,
Taumoho te, ibege em ginauli i abidi, paꞌana natum haba E felem be em ginauli mahudoꞌidi haba aiꞌena.
5 Habahim kamumu yai, Yaubada, Abelam ya lawen ena palai ganamuli yai, be ya faliba, iyen,
U itaꞌita hasa galewa, be kipwala u itadi haba gonowam wa fatilidi?
Um laulauwewem haba sa ouli wananaha doha kipwala.
6 Abelam, Yaubada ya kawawananahaꞌen, yo fede, Yaubada Abelam ya ita fadudulai.
12 Maihala ya bulubulu, Abelam matana ya enoꞌeno, be ya eno wafu. Maꞌesega, na kamumu lubilubi fatau ꞌwasaꞌwasabuna ya fakou hafihafiti.
13 Habahim Guyau ya libalau Abelam lisina, iyen,
Wa siba mate, am hiti mulita haba ai nuꞌu hesa sa miya taꞌotaꞌowawa. Haba sa fahisu faheyayadi doha fayofayo tau abidi ya lau ee–, bolima 400.
14 In moho, tau lau fayofayodi haba E fakamkamnadi mulina yai, haba nuꞌu ni ginaulidi sa abidi be sa lau afulen.
15 Haba wa miya gwaugwau ee–, wa tautaulaꞌi wananaha, habahim wa peꞌi be sa boꞌusaim.
16 Laulauwewem hiti fafatina haba sa fuyoma, paꞌana Amoli dodogadi edi heyaya hige i laꞌi, be doꞌata te haba kamkamna ti abi.