20
Zĩ̀blena wɛ́ɛkɛɛ
Dauda lɛ̀.
1 Dii yã sínyo n nawɛ̃akɛgurↄ,
Yakubu Luda n dãkpa.
2 À dↄnlɛ zĩmma bↄna a kúkiia,
à n ĩan ká bↄna zaa Zayↄn.
3 À n sa'ona sí píngi,
à dↄ n sa'opↄ kɛ̀ wè ká tɛ́n à tɛ́ kũnↄ yãn.
4 À pↄ́ kɛ̀ n pↄↄ yezi kɛnnɛ,
à tó ǹ pↄ́ kɛ̀ nɛ́ɛ pɛɛa le.
5 Wé guda kɛ zĩ̀ kɛ̀ ń blè yã musu,
wé tuuta logo kↄ̃n wa Luda tↄ́o.
Dii wɛ́ɛkɛɛ kɛ̀ ń kɛ̀ sí píngi.
6 Má dↄ̃ sa kɛ̀ Dii è kína kɛ̀ à à kà mì sí,
è yã sío zaa a bɛɛ kɛ̀ kú adonan,
è tó à zĩ̀ ble kↄ̃n a gã̀sã gbãaao.
7 Gbɛ̃kenↄ è sↄ̃goronↄ náanɛ kɛ,
gbɛ̃kenↄ è sↄ̃nↄ náanɛ kɛ,
wapinↄ sↄ̃, Dii wa Ludan weè náanɛ kɛ.
8 Aↄ̃é gɛ̃̀n sí wà lɛ́ɛ,
wapinↄ sↄ̃ wégↄ̃ zɛna gíngin.
9 Dii, ǹ tó kína zĩ̀ ble,
tó wa n sisi, ǹ wewala.