Mata
1
Bikogu bi Yesu
1 Otakada na bikogu bi Yesu Kristi ba'a wo Dauda, ba'a wo Ibrahim:
2 A Ibrahim go won den ashawa na Ishaku, a Ishaku wan den ashawa na Yakubu
a Yakubu wan den ashawa na Yahuda natosuwa̱ nonwan,
3 A Yahuda wan den Ashawa na Pereza, na Zera ananwan nanwan ka Tamar go Apereza wan den ashawa na Hezron, a Hezron wan den ashawa na Ram
4 a Ram wan den ashawa na Aminadab,
a Aminadab wan den ashawa na Nashon, a Nashon wan den ashawa na Salmon,
5 a Salmon wan den ashawa na Bo'aza, awo ananwan nonwan a Rahab go,
a Boaz ta'a wan den ashawa na Obida, ananwan nonwan ka a Rutu go, a Obida wan den ashawa na Yesse
6 a Yesse ta'a wan den ashawa na Wogoma a Dauda.
a Dauda wan den ashawa na Solomon, awo ananwan nonwan naanda wu'a̱ wo Uriya,
7 Solomon go won den ashawa na Rehobowan,
a Rehobowan wan den ashawa na Biya,
Abiya wan den ashawa na Asa,
8 Asa wan den ashawa na Yehoshapat,
Ayehoshapat wan den ashawa na Yoram, Yoram wan den ashawa na Azariya,
9 Azariya wan den ashawa na Yotan,
a Yotan wan den ashawa na Ahaz,
a Ahaz wan den ashawa na Hezekiya,
10 a Hezekiya wan den ashawa na Manase,
a Manase wan den ashawa na Amon,
a Amon wan den ashawa na Yosiya,
11 a Yosiya go won den ashawa na Yekoniya natosuwa̱ nonwan n beka̱ni be a̱ ta̱ri ga tu ture cegema n Babila
12 Na a owane ga cegema n Babila a A Yekoniya wa̱ ma̱ci Sheyaltiyel, 13 Asheyaltiyal wa̱ ma̱ci Zarubabel,
13 Zarubabel wan den ashawa na Abihudu,
a Abihudu wan den ashawa na Eliyakim, a Eliyakim wan den ashawa na Azuro,
14 a Azuro wan den ashawa na Saduki,
a Saduki wan den ashawa na Akimu, a Akimu wan den ashawa na Aliyudu,
15 a Aliyudu wan den ashawa na Eli'azara,
a Eli'azara wan den ashawa na Matana,
a Matana go won den ashawa na Yakubu,
16 a Yakubu go won den ashawa na Isuhu wa̱ri wo Maryamu awu ma̱ci i Yesu, awo ata hecega a Kristi.
17 Ba̱nba̱nu na sorya n kushi ku Ibrahim tu hure pi Dauda kushi ko opa n ko ku na̱shi go, n to ema ga n cenge tawa ture cegema n Babila tu hure pi Kristi ta'a kushi ko opa n ko ku na̱shi go.
Rima̱ci Ri Yesu
18 Anna rima̱ci ri Yesu Kristi re na na'an she a Isuhu wo tan cene'en to Maryamu she ata iyan cewo a̱ hendi wu na̱suwa̱ na sorya pa benhyan be Onhon.
19 Naande a Isuhu wa̱ri wo Maryamu ka woto wo omange kaye pa Onhon go, wa̱ rubi ciwu a̱ pa̱ni i Maryamu n'en nanmen nato wa̱ rubi a̱ ta̱cigi wu rihinrihin.
20 Ama she a Isuhu wo tan netama yan'on Wotoma wo a̱ba̱ye wo Ashawa wa rage pi Isuhu narawo wa hyen wo, <<A Isuhu ba'a wo Dauda, ga'a to hoga ryansan ri tu ume i Maryamu an den wu'a̱ wo, enaande ka enan nanmen suwa̱ nonwan nasorya pa benhyan be Onhon go.
21 Won to mata ba'a a won to pa wo rira̱'i a Yesu enaande a̱ure won tu ringe ato nonwan nanmen ciri'i tawa.
22 An den ma̱no go ca na an ma shintuma̱ monran Ashawa hici nuno na Wotoma wo Onhon nhyan:
23 Ewana kego ke ta yan'cewo wa̱ri ken to mata ba'a, an to pa wo rira̱'i a Imanuwel, ma'anan ka <<Onhon un pa̱ka̱ n ga̱tu.>>
24 Na Isuhu wo rengane ndawo wa rope nde Wotoma wo Ashawa hyen wo, wa̱ umi Maryamu wu'a̱ wo wa.
25 Ama wa yan'cewo, hare wa̱ ma̱ci ba'a wo wa wa̱ pa̱ wu ta'a rira̱'i Ayesu.