1 Yeecu, kun nuweri to nobo cuwe cuwe, buro mer luma mor bala yoka lumak. 2 To kange nawiye bune, fuyai mer aniniyoti yob mor. 3 Bilenke ma yi komti, nawiye bune, fuyai, meri la ciye gwam. 4 Gwam nobo wuro ne luma ciyeke mor cuweka ciye ko tenange nyeu. La nawiye fuyai bune, mor bune ce co merken kiyemer cero gwam, wo co cike. 5 Na wo kamenbo tok ker bikurwabe, kambo ci ma cimen bwayileneu ki tero keneu, neka luma. 6 Dike wo kom to tiye, kakuko wi boti wo tero mani a yito dor kecereu na wo mani a bubatiye. 7 La cin me co ki, Nii “Meranka, fiyan dike wo a bwitiye? Ye a yilam yitom ti na dike borombo na yoten na bwikari? 8 Yeecu ciya, ki kom ti ki bata, kari kange bol kom, diitce an bou mor dene mi, ci yi ti ki, “Man co”, na we dadom, kom bwang cinentende. 9 Tano kom nuwa ker kwenerdi kom kange dii bwali, kom cure, tamyo dike borombo a bwi bwiri, dila cwile mani a boiti nyo na wo. 10 Nyori con yi ci bero an kwenan bero ninten, liyar an kwenan liyaro ninteu. 11 An ma mukaka bitine ko wo tenang tenange fiye ki dimen ki dimen, take an ma wura kange wurolo. An maran yiromtaiyer kange yirombo dur dikwama. 12 Fiya na dike wuro gwam, ciyan tam kom, ci ne kom dotange, ciyan neken kom mor kurbiwaber kange loni furcuna, ciyan boki kom kabom liyare kange nobo durtinim ki ker denemir. 13 A yila kumen fiye ka tokom fulen miro tiye. 14 Ko to fo nerkumer, kom kade batito wo ya ko toktiye. 15 Mo ma nekom kero kange yilendo, wo nob kurome kume gwam, mani ciya dol kobkanka ti kange kome, kaka ci kim kerkume ro. 16 Kange Te, kange yitub, kange naniyak kange farub, ciyan kan kom, ci twallum kangem kumen. 17 Nobo gwam ciyan kokom kiker dene mi. 18 Yiri kume win wo mani a kwob ti, 19 Mor birum nekume kan fiyau dumetinim. 20 Tano kom to Urucalima kentangum ki nobo tee kwentiyeri kom nyomom yarka ceko dadom. 21 Nobo Yahudiya a cu ci yaken diyele kange, nobo tiber cinanlore ciya cu, ciya dobre nobo mwanlore ci dou mor. 22 Kakuko wo na yaka cunere ce, beri dike ci mulange gwam na dim. 23 Kwanci nubo ki fwereu kange nobe ne yir tiyeu mor kumetinwo! Annuwa dotange kambo ken wo tenang tenange bitinim. Ki funer fiye nobo wo wiye. 24 Ciyan yari ki caka kulener take a yaken ki ci canga bitine nin gwam, nobo manki kwama an duwarangum Urucalima ya ciko fiya nobo nyombo kwama ciye a dinitiye 25 Atan yirombo mor kakuke kange cwiyak, kange bitiren. Dorbitine tak nobo nyombo kwama cin nuwa dotange, fwer ciyero an burom temi dir mwenger wima. 26 No a fumom ki ten kange kwaka neret dike a bwi dorbitinero, min. An mok kibikwam dii kwamaro. 27 Nimde ciyan to bibwe Nifire bo ti mor bilore ki bi kwan kange. Duktankako dur. 28 Dila nimde dike wuro ci ter bwikari. Kweni timtiye, la kun dor kumero dii, wori fuloka kumeko dadom. 29 Yeecu ne dangke, “To tii nyencen do kange tiini gwam. 30 Na ci ter fu ka laluko, kan tom ki bwikom, komki Tirakko dadom tak. 31 Nyo tano kom to dike wuro ter bwikakori, kom nyomom liyar kwamaro dadom. 32 Bilenke ma yi kom ti kaldo wo mani a cuti, dike wuro an bwi gwam. 33 Dii kok kange bitini an cum dila kermiro mani a cuti. 34 Di kom kom ka bati ki dor kume, kati kom ne nerkumero tutum ki kwomka dorbitinero kange norangka, kange komka kwarcek. Dila kakuko an bo bati man. 35 Mwinin cito. Dila an bo dor nober gwam wo kwarce tikob dor bitinero nin gwam. 36 Dila kom yi ki bati kang kang, kom kwob diloti bena kom fiya bi kwam do ka torum dike woti gwam a bwitiye, kange kambo katimti kabum Bibwe Nifire”. 37 Ki kakuk, ki merangi mor bikurwabe, kume del yakenti bang ci cotiki zaitune. 38 Nobo gwam tura yaka fiye co wiyeki bwiri cin nowa co bikur waber.