1 La ki kumetini co, kaicar Augusta tung tomange cin toki ciki a kiyeu nubo gwam wo yim dor bitinereu. 2 Won co kiye ka kaba maneu ki kwama wo kiriyuc ma liyar ti curiya. 3 La nubo gwam yarangen cinanlor cer naci mulangum ki kiye kakor. 4 Yucufu ken kwenu Galili wo mor cinanlor Nazaret la cin yaken Yahuza, cinanlor Dauda, wo cuoti Baitalomi, wori ciki no naniyak Dauda. 5 Cin yaken wi naci mulangum dercero kange Maryamu wo ci bob beu la ki fwer. 6 La kambo ci wi ye ri, kwama lam wo ci bom bwe tiye lam. 7 Cii bo bwe bibare, bwe kaba ce, la cin kwomum co ki yilang ko cuwe mer la yoken co mor tokum nennem wori ci man ki fiye wi. 8 La nob biyuwareb bo wi cungako co ci dami ner bitibere to bi cir cero ti ki kume. 9 Bwe tomange Te luweu cer cinen, la duktangka Te luwek ko tebum cunga ceko, la cin dim ki tai ducce. 10 Dila Bwe tomange kwama yici “Ko cuware tai, wori mi bo kumen ki kero ken wo a bou hi ki fuwor nerero dur nubo nin gwame. 11 Duwen cin bo kimen nii fuloka mor cinan lor Dauda! Cin Kiritti Te luwe! 12 Wo co yirombo wo ci nekom tiye, kam fiya bweu kumon mor yilango cuwemer, yom mor tokum nennem. 13 Dangjang ri bwe tomange kwama kange mwer kamka dur ko dii kwa'ma caklang kwama ti ciki 14 “Duktanka ki kwama firen dii, rila fuwor nere a fiya tiber nubero co (Kwama) ciyacike. 15 La yilam kambo bi bei tomange kwama dubom ci yilaken dii lo kwamari, nob bi warebbo yi bwiti ci, “na weu ko biya Baitalami nabi to dikero wo bwiyeu, wo Teluwe nung bi neneu” 16 cin cu wulom-wulom wii dila cin fiya Maryamu, Yucufu kange bwe fiyerko dam mor tokume. 17 Kambo ci tom ceri, cin yi nubo dikero cii yi cii dor bwe fiyerko weu. 18 Gwam wo nuwari, ma nyimanka dor dikero nob bi yuwarebbo yi ci yeu. 19 Dila Maryamu ki bulangi dor digero ci nuwa gwam, la cin yoken mor nerece. 20 Nob bi yuwarebo yilaken ci duktangi ri ci caklank kwama ti ki dikero gwam woci nuwau kange wo ci toweu dong-dong nawo ci yi ciyeu. 21 Kambo kume narube dimeri, fiyaco ci biye cinen lareu cin ne co dendo Yecu, dendo bwe tomange kwama ne na nyinde cii tu fwer cereu. 22 Kambo kumeni wucakeu ce cumeri, na wo mor wer fun mucaro, ciin bou ki co bikur waber mor Urucalima naci neken co kwama nin. 23 Nawo mulangum mor werfun Te luwe “Gwam bwe kabo wo bwayileri, atin cokum co ki dimen, cina kwama ce. 24 La cin ma wabka nawo ci toki mor werfun Te luwe re, “nagum fe yob kakaa kalti nawurmero yab” 25 La Nii kange wi Urucalima wu dencero cimon ne, ni wo cak cak laci ne dor bwanka kwama. Ciki ningtan nii a bii Iciraila nin neer tiye, la yuwa kange kwamak wi kange co. 26 La yuwa tangbe kwamako nungcine ki mani ci bwiyati ne citom Kiritti Teeluweri nyinde. 27 La yuwa tangbe kwamako ya ki co mor bi kur waber. Kambo Teb bwe fiyerko Yeco bou kice, naci macinen nawo werfundo nungeu, 28 cin tu beu kangcek ri cin caklang kwama, ciki, 29 na weu dob bwe canga meu akubo ki fuwor neret Teluwa nawo mori tokeu. 30 La nuwe mi tom fuloka mweko, 31 wo mwi yweli nuwe nubo gwammer: 32 filang dukumek wo nubo kumta cili cee kange duktangka wo nubo lomwe Iciraila ce. 33 Tee ce kange nee ce ma nyimankka ki dike ci toki dorce reu. 34 Cimon yocinen bibwiyer, ri yi Maryamu nece ki “Nuwa Yora, bwewo cin co ki na boki yare kange kwenka nubo duce Iciraila na yirome wo ci kowe 35 kange kulen wo abiye ken mor nere mwetiye rila bi kwarum nerem bo kila atim ceruu”. 36 Nawiye tomange kwama ci cuo ti ki Anna wiwi. Cibi bwe Panuel naniya Acar. La cin duyom ki cotini duce, cin yi kange bwece coro kwini niber, 37 la cin nawi ye kwale coro kwini narub-cilombo na'ar. La mani ci dob mor bi kur wabe ri ci wab kwama ki ngak ngake kange dilo kume kange kakuk. 38 Ki kwama co dondong cin kwitau laidom kange ci, ri cin ter buka kau kwama, la cin yi nubo ningtang fuloka Urcalima kotiye ker dor bwero nin. 39 Kambo ci dim digero da ter cin matiye nawo mulangum mor werfun Teluwere di, cin yila keu Galili mor cinanlor ceer Nazaret. 40 La bwen duyom yilam kibi kwan, kange nyomka, la luma kwama wii cinen. 41 Ki cor teb ce bo ki yam nyo Urucalima ki duklume yabka. 42 Ki kwamawo ci dim coro kwabcilom bo yebeu, cin yaken tag duklumenin. 43 La kambo ci diim kumeni duklume gwame ri, cin ter yila kako loweu. La beu Yecu tim ce bwi mor Urucalima ri la teb cebo nyombo. 44 Ci kwotiri ciki no mor mwerka nube kowo ci yaken ti wari yeu. La cin ya yam kume wiine. Di cin ter doka ceko mor naniya cek kange farub cek. 45 Kambo ci fiya ceberi, cin yila ken mor Urucalima la cin ter doka ceko wi. 46 La bwiko kume taare ri cin fiyamco mor bikur waber, yim tiber nob merangkab merangci ke tiniti. 47 La gwam wo nuwa ce ri, ma nyimangka ki nyomka ceko kange ciyaka ceko. 48 Kambo ci toceri, nyimankako tamci, la nee ce yico ki ““ye bwi mwa manyo nye? To, tee mwe kange mo nyi do nen ti ki kwomka duce.” Cin yici, “Ye bwi kom doye tiye? Ko nyombo kambo mamanangen mira?” 49 Con yi ci, ye bwi kom do ye tiye? kom nyomba tam nyo ma nangen Temera? 50 Di ci nyombo dike co yi ti kange kero co toke. 51 La cin yaken lo kange ci mor Nazaret la ci nee ci dur ti. Nee ce yoken diker buro gwam mor nere ce. 52 Dila Yecu ki duwi mor nyomka kange cuwemka la cin fiya cor cini kwama nin kange nob.