1 la ni dinglime kange wi wo den cero Nicodemu, nii dur Yahuda. 2 nii wo bow Yeecu nin ki kume la yico, “Rabbi, nyin nyumom mwin nii merangka wo bou kwama nine, wori nii kange mani wo ama diker nyimangkako mwi mane ri no kwama mani kange cori.” 3 Yeecu ciya cinen, “bilenke, no cii bo nii takri, mani ci to liyar kwama ti” 4 Nicodimu yi co “ciya boten nii nyi ki kwama ci cirame? mani ca do mor fwiye nee ce ti kiritti yob naci bo ten co, can do wa? 5 Yeecu ciya,”bilenke, bilenke, no ci bo bo nii ki mwem kangi yuwa tangberi mani ci do liyar kwamak ti. 6 wo cii bo mor nange ri nange, la wo cii bo mor yuwatangberi, yuwatenbe. 7 Niyimangde wori min yi nen miki tam nyo cia fulongum boka mweko. 8 yiwako ki cui fiye ci fobi, mwan nuwa diir cero, dila mwi nyombo fte cibow wiyeu kaka fiye ci yaken tiyeu. nyo kange nubo gwam wo ci bo co mor yiwu tangbeke.” 9 Nicodimu ciya lan yi co “dikero wo a manyi? 10 Yeecu ciya lan yi co “mwin nii meranka Icirailari durwal mwi nyombo digero wa? 11 bilenke, bilengke ma yinenti tok ike nyi nyomeu, nyi nee to-e. di duwal kom yo bo warke nyeu. 12 no min yi nen diker dor kalere mwi ne bo bilenke ri, mwa nee bilenke nyi no yinen dor diker dii kwama ri? 13 nii kange mani wo kwiken dii kwama no cum co wo yirau dii kwamari bi bwe nii fiye. 14 na wo ci yam kung bi bwe nii fiye dii, 15 ri la gwam wo nee bilenke atin fiye dume di riye. 16 kwama ciu kale wo ri cin neken bibwe ce wiin cuar, la wo ne bilenke cineneri mani a bwiya ti la wi ki lai dume diriri. 17 kwama tungu bo bwew mor kalewo na kume dor bitinero dila na dor bitinero fiya fuloka fiye ci wiye 18 wo ne bilenke cine neri mani a bwiya ti, wo nebo bilenke cine neri, kweri bwiyam bwiya wiro ci nebo bilenke ki den bi bwe kwama ro wiin cuwareu.” 19 Won co dike bwi bolang filang ko bou dor bitiner, nubo cwi kuntacile la filang ko, wori nangen cero cile. 20 No wo ma bwirang keri ko filang ko, bou bo filang nin wori nangen cero nungi yanglang. 21 Bwen dwal nyiri, niwo ma bilenkeu, bou filang ko nin na nungi yang lang, nangen cero na kwama ce co mane. 22 Bwikowo Yeesu kange bibei tomange ceu cuu biten Yahudiya, co yim wi lenger kange ci kange yuka mwengek kwamak. 23 Yuwanna yuu mwem ti Ainon bidom kange Salima wori mwembo bidom wi. Nubo bouti cinen con yuu cinen mwembo. 24 Fiya Yuwana ci tung bo furcuna bwiri. 25 Kwalkang ke kweni tiber bibei tomange Yuwana kange Yahudawa, ker maka duklumek. 26 Cin ya Yuwana nin cin yi co ki, “nii merangka, nii wuro kange mweu dinge kon caji Jordaneu dor we? mo ware, too, co yuu mwem ti, takeu gwam ci yaken ti ci nin. 27 Yuwana kari, “Nii mani a yoo kange diger ti, tano ci ne co dii kwamari.” 28 Mo ki bwimi mwan wari, man toki ma kebo Kiristi', dila cin twomou ye nimde co. 29 Bine ki nii bine, dila fakuwe nii bineu wo ti nuwa ceu, bilange ducce ki dir nii binero, wuro, co bilangtum mimbo kambo ken. 30 Ca yokten miu man yiram. 31 Nii wo bou diyeu, la gwam. Nii wo dor bitenereu, ki no dorbitinerer, tok diger ti dor, dorbitinere. Nii wo bou dii kwamau la gwam. 32 Co war kerti dor digero co toweu kange co nuwau, dila kange man wo ciya warke ceu. 33 Nii wo ciya warkeceu, co nungi kwama nii bilenker. 34 La nii wo kwama tun ceu tok ker kwamar ti. Co nebo yuwa tangbe ki cuwaka. 35 Tee cwi bi bwece, neken co digero gwam kang cak. 36 Nii wo ne bilenke ki bweri, dume na ce, nii wo nuwabo bweri mani ca to dume ti, cwika kwama ko a yii kange co.