གསུང་མགུར་གྱ་གཉིས༌པ།
ས་གཞིར་ཁྲིམས་ཐག་གཅོད་མཁན་གྱི་བླ་ན་མེད་པའི་དཀོན་མཆོག
1 ༼ཨ་སབ་ཀྱི་མགུར༌མ།༽ དཀོན་མཆོག་ནུས་མཐུ་ཅན་གྱི་ཚོགས་དཀྱིལ༌བཞེངས། །འགོ་དཔོན་ ཁྲོད་དུ་ཁྲིམས་ཐག་འདི་སྐད༌གཅོད།།
2 ཁྱོད་ཚོས་ཁྲིམས་གཅོད་དྲང་གཞག་མི་བྱེད༌ཅིང༌། །ངན་པར་ཕྱོགས་རིས་བཟུང་ནས་ནམ་དུས༌བར།།༼ སེ༌ལཱ། ༽
3 དབུལ་ཕོངས་དྭ་ཕྲུག་རྣམས་ལ་བདག་སྐྱོང༌བྱོས། །སྡུག་བསྔལ་ཅན་དང་རྒུད་པོར་དྲང་བདེན༌སྐྱོངས།།
4 དགོས་མཁོ་ཅན་དང་དབུལ་པོ་སྐྱོབ་པར༌གྱིས། །སྡིག་སྤྱོད་ལག་ནས་དེ་རྣམས་ཐར་དུ༌ཆུགས།།
5 དེ་ཚོར་ཤེས་བྱ་མི་ལྡན་གོ་བའང༌མེད། །མུན་ནག་ཁྲོད་ནས་ཕར་འགྲོ་ཚུར་འོང༌བྱེད། །ས་གཞིའི་གཏིང་གཞི་ཐམས་ཅད་འགུལ་གྱུར༌ཏོ།།
6 བདག་གིས་སྔར་ནས་འདི་ལྟར་སྨྲས་མྱོང༌སྟེ། །ཁྱོད་རྣམས་ཐམས་ཅད་ལྷ་རྣམས་ ཡིན༌པ་དང༌། །བླ་ན་མེད་པ་ཉིད་ཀྱི་སྲས་རྣམས༌ཡིན།།
7 འོན་ཀྱང་མི་རྣམས་ལྟར་དུ་ཁྱོད་འཆི༌ཞིང༌། །སྐུ་དྲག་ཅིག་དང་འདྲ་ལ་འགྱེལ་བར༌འགྱུར།།
8 མི་རིགས་ཐམས་ཅད་ཁྱེད་ཀྱི་ནོར་སྐལ༌ཡིན། །ཀྱེ་ཀྱེ་དཀོན་མཆོག་དེའི་ཕྱིར་ཡར་བཞེངས༌ནས། །ས་གཞིར་ཁྲིམས་ཐག་གཅོད་པར་མཛད་དུ༌གསོལ།།