གསུང་མགུར་བརྒྱད༌པ།
དཀོན་མཆོག་གི་གཟི་བྱིན་དང་མི་ཡི་མཆོག་གྱུར།
1 ༼གཱད་ཀྱི་དབྱངས་ནང་དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཀྱེ་ཀྱེ་ཡ་ཝཱེ་ངེད་ཀྱི་གཙོ་བོ༌ལགས། །ཁྱེད་ཀྱི་མཚན་སྙན་ས་གཞི་ཡོངས་སུ༌ཁྱབ། །ཁྱེད་ཀྱིས་རང་གི་གཟི་བརྗིད་ཆེན་པོ༌ནི། །ནམ་མཁའི་དབྱིངས་ལས་མཐོ་ཞིང་མངོན་པར༌མཛད།།
2 ཁྱེད་ཀྱིས་ཕ་རོལ་དགྲ་བོའི་རྐྱེན་ལ༌བརྟེན། །བྱིས་པ་དང་ནི་ཕྲུ་གུ་འོ་འཐུང་གི །ངག་ལས་སྟོབས་ཤུགས༌མངོན་པར་མཛད་པ་ཡིན། །དགྲ་དང་འཁོན་ལན་སློག་པའི་གཏམ་སྤྱོད༌བཀག།
3 ཁྱེད་ཀྱི་ཕྱག་གིས་བཀོད་པའི་ནམ་མཁའ༌དང༌། །ཟླ་བ་སྐར་ཚོགས་བཤམས་པ་ངས་མཐོང༌སྟེ།།
4 མི་ནི་ཅི་ཡིན་ཁྱེད་ཀྱིས་ཐུགས་ཁུར༌མཛད། །མིའི་བུ་ཅི་ཡིན་ཁྱེད་ཀྱིས་གཟིགས་སྐྱོང༌གནང༌།།
5 ཁྱེད་ཀྱིས་ཕོ་ཉ་དང་ནི་བསྡུར་བ༌ན། །ཁོང་ནི་ཅུང་ཙམ་དམའ་བར་མཛད་པ༌དང༌། །ཁོང་ལ་གཟི་བྱིན་གནང་སྟེ་གཙུག་རྒྱན༌གྱུར།།
6 ཁྱེད་ཀྱིས་དངོས་སུ་མཛད་པའི་དངོས་པོ༌སྟེ།།
7 གླང་དང་ར་ལུག་སྤང་གི་རི་དྭགས༌དང༌།།
8 ནམ་མཁའི་བྱ་དང་རྒྱ་མཚོའི་ཉ་རིགས༌དང༌། །མཚོ་ལམ་བརྒྱུད་ནས་འགྲོ་བ་ལ་སོགས༌པ། །འཇིག་རྟེན་མི་ཡི་རྐང་འོག་གནོན་པར༌མཛད།།
9 ཀྱེ་ཀྱེ་ཡ་ཝཱེ་ངེད་ཀྱི་གཙོ་བོ༌ལགས། །ཁྱེད་ཀྱི་མཚན་སྙན་ས་གཞི་ཡོངས་སུ༌ཁྱབ།།