གསུང་མགུར་རེ་བདུན༌པ།
བཀའ་དྲིན་དྲན་པའི་མགུར་མ།
1 ༼དབུ་མཛད་ལ་སྤྲད་པའི་མགུར་རྒྱུད་མང་རོལ་ཆས་སྤེལ༌མ།༽ ངེད་ལ་སྙིང་རྗེས་གཟིགས་དང་དཀོན་མཆོག༌ལགས། །བྱིན་རླབས་གནོངས་དང་ཞལ་རས་འཛུམ་པའི༌འོད། །ངེད་ཅག་ལ་ནི་འཕྲོ་བར་མཛད་དུ༌གསོལ།།༼ སེ༌ལཱ། ༽
2 ས་གཞི་ཡོངས་ཀྱིས་ཁྱེད་ཀྱི་ཕེབས་ལམ༌དང༌། །མི་རིགས་ཀུན་གྱིས་ཉིད་ཀྱི་ཐར་པ༌ནི། །ཤེས་པའི་ཕྱིར་དུ་དེ་བཞིན་མཛད་དུ༌གསོལ།།
3 ཀྱེ་ཀྱེ་དཀོན་མཆོག་མི་སྡེ་ཐམས་ཅད༌དང༌། །མི་རིགས་ཀུན་གྱིས་ཁྱེད་ལ་བསྟོད་པར༌ཤོག།
4 འཇིག་རྟེན་མི་ཀུན་དགའ་ཞིང་སྤྲོ་བ༌དང༌། །བསྟོད་པའི་གླུ་ཡིས་ཁྱེད་ལ་བསྟོད་པར༌ཤོག །ཁྱེད་ཀྱིས་ངེས་པར་འཇིག་རྟེན་མི་ཀུན༌ལ། །བདེན་པའི་ཁྲིམས་ཀྱིས་ལེགས་ཉེས་འབྱེད་པ༌དང༌། །མི་རིགས་ཐམས་ཅད་བདེ་བར་སྐྱོང་ངེས༌སོ།།༼ སེ༌ལཱ། ༽
5 ཀྱེ་ཀྱེ་དཀོན་མཆོག་མི་སྡེ་ཐམས་ཅད༌དང༌། །མི་རིགས་ཀུན་གྱིས་ཁྱེད་ལ་བསྔགས་པར༌ཤོག།
6 ས་ལས་འབྲུ་དང་ཤིང་ཏོག་སྣ་ཚོགས༌བྱུང༌། །དཀོན་མཆོག་ཉིད་ནི་ངེད་ཀྱི་དཀོན་མཆོག༌སྟེ། །རང་ཅག་ལ་ནི་བྱིན་རླབས་གནང་བར༌འགྱུར།།
7 ཁོང་གིས་ང་ཚོར་བྱིན་རླབས་གནང་བར༌འགྱུར། །འཇིག་རྟེན་ཡོངས་ཀུན་ཁོང་ལ་གུས་ཤིང་འཇིགས།།