གསུང་མགུར་ང་གསུམ༌པ།
བློ་རྨོངས་གཉའ་རེངས་རྣམས་དཀོན་མཆོག་གིས་འདོར་བ།
1 ༼མ་ཧ་ལཱད་ཀྱི་དབྱངས་ནང་དུ་དབུ་མཛད་ལ་སྤྲད་པའི་དཱ་བིད་ཀྱི་བསླབ་བྱའི་མགུར༌མ།༽ གླེན་པས་སེམས་སུ་དཀོན་མཆོག་མེད་ཅེས༌སྨྲ། །དེ་རྣམས་ཉམས་ནས་ཞེན་ལོག་ཉེས་པ༌བྱས། །བཟང་པོ་བྱེད་མཁན་གཅིག་ཀྱང་ཡོད་མ༌ཡིན།།
2 གོ་བ་ཅན་དང་དཀོན་མཆོག་འཚོལ་བའི༌མི། །ཡོད་དམ་མེད་ལ་གཟིགས་ཕྱིར་དཀོན་མཆོག༌གིས། །གནམ་ནས་འཇིག་རྟེན་མི་ལ་མར་གཟིགས༌སོ།།
3 ཐམས་ཅད་ཁོང་དང་བྲལ་ནས་ལོག་ལམ༌ཞུགས། །དེ་འདྲའི་སྐྱེ་བོ་ཚང་མ་བཙོག་པར༌གྱུར། །ལས་བཟང་སྒྲུབ་མཁན་ཡོད་པ་མ་ཡིན་ལ། །དེ་འདྲ་གཅིག་ཀྱང༌ཡོད་པ་མ་ཡིན་ནོ།།
4 ང་ཡི་འབངས་མི་བག་ལེབ་ལྟར་མིད༌ཅིང༌། །དཀོན་མཆོག་མཚན་ལ་འོ་དོད་མི་འབོད༌པར། །སྡིག་སྤྱོད་ཅན་རྣམས་བློ་གྲོས་ཅང་མེད༌དམ།།
5 སྒར་ནི་བཏབ་ཅིང་ཁྱེད་ལ་རྒོལ་བ༌ཡི། །དགྲ་ཡི་རུས་པ་དཀོན་མཆོག་གིས་གཏོར༌བས། །འཇིགས་པ་མེད་སར་དེ་རྣམས་ཤིན་ཏུ༌དངངས། །དཀོན་མཆོག་ཉིད་ཀྱིས་ཁོ་ཚོ་སྤངས་པས༌ན། །ཁྱེད་ཀྱིས་དེ་རྣམས་ངོ་ཚར་སྦྱར་བ༌ཡིན།།
6 ཀྱེ་ཀྱེ་ཡེས་ར་ཨེལ་གྱི་ཐར་པ༌ནི། །ཛ་ཡན་ཡུལ་ནས་བྱུང་ན་ཅི་མ༌རུང༌། །ཁོང་གིས་མི་སྡེ་བཙོན་ལས་བསྐྱབས་འོང༌དུས། །ཡ་ཀོབ་དགའ་ཞིང་ཡེས་ར་ཨེལ་ནི༌མགུ།།