གསུང་མགུར་གསུམ༌པ།
ཞོགས་པའི་སྐྱབས་གསོལ་སྨོན་ལམ།
1 ༼དཱ་བིད་ཀྱིས་རང་གི་སྲས་ཨབ་ཤཱ་ལོམ་ལས་བྲོས་བྱོལ་བྱེད་དུས་བཀོད་པའི་མགུར༌མ།༽ ཀྱེ་ཀྱེ་ཡ་ཝཱེ་ངའི་དགྲ་ག་ཙམ༌འཕེལ། །ང་ལ་རྒོལ་མཁན་ཅི་འདྲ་མང་བ༌ཨང༌།།
2 དཀོན་མཆོག་ཕྱོགས་ནས་ཁོ་ལ་སྐྱབས་མི༌འབྱུང༌། །དེ་ལྟར་ངའི་སྲོག་སྐོར་ལ་མང་པོས༌སྨྲ།། ༼ སེ༌ལཱ། ༽
3 ཡ་ཝཱེ་ཁྱེད་ནི་ང་ཡི་ཕྱོགས་བཞིའི༌ཕུབ། །ང་ཡི་དཔལ་དང་མགོ་བོ་འདེགས་མཁན༌ལགས།།
4 སྐད་གསང་མཐོན་པོས་ཡ་ཝཱེ་ཞེས་འབོད༌དུས། །ཁོང་གིས་དམ་པའི་རི་ནས་བཀའ་ལན༌གནང༌།། ༼ སེ༌ལཱ། ༽
5 ང་རང་ཉལ་ཞིང་གཉིད་དུ་ཡུར་བ༌དང༌། །ང་རང་གཉིད་ལས་སད་པ་འདི་ཐམས༌ཅད། །ཡ་ཝཱེས་ང་ལ་གཟིགས་སྐྱོང་གནང་བས༌ཡིན།།
6 བདག་གི་མཐའ་ནས་བསྐོར་ཅིང་རྒོལ་བ༌ཡི། །སྐྱེས་པ་ཁྲི་འབུམ་དེ་ལ་ང་མི༌འཇིགས།།
7 ཀྱེ་ཀྱེ་ཡ་ཝཱེ་ཡར་ལ་བཞེང་བར་མཛོད། །ང་ཡི་དཀོན་མཆོག་ང་རང་སྐྱོབ་པར༌མཁྱེན། །ཁྱེད་ཀྱིས་ང་ཡི་དགྲ་བོར་འགྲམ་ལྕག༌གཞུས། །མི་ངན་དག་གི་སོ་རྣམས་དུམ་བུར༌བཅག།
8 ཡ་ཝཱེ་ཁོང་ནས་ཐར་པ་འབྱུང་བ༌དང༌། །ཁྱེད་ཀྱི་འབངས་མི་ལ་ནི་བྱིན་རླབས༌མཛོད།། ༼ སེ༌ལཱ། ༽