གསུང་མགུར་བཅོ་ལྔ༌པ།
རི་བོ་དམ་པར་གནས་མཁན་གྱི་ཀུན་སྤྱོད།
1 ༼དཱ་བིད་ཀྱི་མགུར༌མ།༽ ཡ་ཝཱེ་ཁྱེད་ཀྱི་གུར་ནང་སུ་གནས༌ཐུབ། །ཁྱེད་ཀྱི་དམ་པའི་རི་སྟེང་སུ་འདུག༌ནུས།།
2 སྤྱོད་པ་སྐྱོན་བྲལ་དྲང་པོར་སྤྱོད་མཁན༌དང༌། །སྙིང་ནས་བདེན་པ་སྨྲ་བའི་མི་ཡིན༌ཞིང༌།།
3 དེས་ནི་ལྕེ་ཡིས་མི་ལ་ངན་མི༌སྨྲ། །རང་གི་གྲོགས་ལ་གནོད་འཚེ་མི་བྱེད༌ཅིང༌། །ཁྱིམ་མཚེས་ལ་ཡང་གཏམ་ངན་མི་གཏོང༌ངོ༌།།
4 དེ་ཡི་མིག་ལམ་ངན་པ་ཁྱད་དུ༌གསོད། །ཡ་ཝཱེར་གུས་ཤིང་འཇིགས་པའི་མི་ལ༌བཀུར། །རང་ལ་གནོད་ཀྱང་མནའ་ལས་མི་འགལ༌ཞིང༌།།
5 རང་གི་དངུལ་ནི་སྐྱེད་ཀའི་ཕྱིར་མི༌གཏོང༌། །ཉེས་མེད་གནག་པའི་ལྐོག་རྔན་དེས་མི༌ལེན། །དེ་བཞིན་བྱེད་མཁན་ནམ་ཡང་བརྟན་པོར༌ཚུགས།།